Ҳарбий хизматчилар ўртасида анъанавий тарзда ўтказиб келинаётган “Довюрак жангчи” интенсив синовларининг бу йилги босқичи Қашқадарё вилоятида жойлашган 7533-ҳарбий қисмга қарашли “Қўнғиртоғ” дала ўқув майдонида бўлиб ўтди.

Ўзаро тажриба алмашиш ва малака ошириш ҳамда ҳарбий хизматчиларнинг жисмоний ва жанговар шайлигини янада ошириш мақсадида ташкил этилган ва ўттиздан ортиқ шартларни ўз ичига олган уч босқичли беллашувларда ҳар бир иштирокчининг шижоат, матонат ва жанговар руҳ билан амалга оширган ҳаракатлари ҳакамлар ҳайъати томонидан холисона баҳолаб борилди.

Энг яхши натижаларни қайд этган 22 нафар ҳарбий хизматчилар ғолибликни қўлга киритиб, уларга “Довюрак жангчи” кўкрак нишони ва дипломлар тантанали равишда топширилди.

©️ “Postda” газетаси.