Юксак мукофот соҳиблари. Мард, фидойи ходим эди
2024-09-28 11:00:00 / Янгиликлар
Тинчлик ва барқарорликни таъминлаш, ҳуқуқбузарликларнинг олдини олиш, жиноятчиликка қарши курашиш йўлида фидокорона хизмат қилаётган ички ишлар органлари ходимлари ҳар қандай вазиятда қасамёдига содиқ қоладилар, жонни фидо қилиб бўлсада, юрт осойишталигини сақлашни ўз бурчи деб биладилар. Кўкдала тумани ИИБ ЖХХ ЙҲХБ катта инспектори, катта сержант Элбек Примов ана шундай фидойи ходимлардан бири эди.
1984 йилда Қарши туманида туғилган лавҳамиз қаҳрамони хизмат фаолиятини 2006 йили Қашқадарё вилояти ИИБ ҳузуридаги Қўриқлаш бошқармасида милиционер лавозимида бошлаган. Ўтган йиллар давомида у касбий, жанговар ва жисмоний машғулотлардаги фаоллиги, берилган топшириқларни бекам-кўст бажариши билан ҳамкасблари ҳурматига сазовор бўлди. Сўнгра Қарши шаҳар ва Қарши тумани ИИБ лари қўриқлаш бўлинмаларида хизмат қилиб, ҳалоллиги, касбга содиқлиги билан раҳбарият эътиборига тушди.
Хизматни 2018 йилдан вилоят ИИБ ТВБСОда давом эттирган қаҳрамонимиз кўплаб ёш ходимларга мураббийлик қилиб, уларга хизмат сирларини ўргатди. 2022-2023 йилларда Қорақалпоғистон Республикаси ИИВ ТВБСОда катта мутахассис лавозимида хизматни давом эттирди.
Йўл ҳаракати хавфсизлиги бўлинмаси катта инспектори сифатида 2023 йилдан бошлаб хизмат қилган катта сержант Элбек Примов ўз ишини пухта билиши билан алоҳида ажралиб турарди, дейди туман ИИБ ЖХХ ЙҲХБ бошлиғи, капитан Камолиддин Нормўминов. Жойларда тарғибот-ташвиқот ишларини олиб боришда ҳам фаол эди. Ҳалол йигит эди. Ҳуқуқбузарларга нисбатан муросасиз эди.
Жорий йил 8 июль куни Кўкдала тумани ҳудудида хизмат олиб бораётган катта сержант Элбек Примов жиноятчи то монидан етказилган оғир тан жароҳати туфайли шифохонада вафот этди.
Давлатимиз раҳбарининг фармонига мувофиқ, шарафли бурчини бажариш чоғида мардлик ва фидойилик кўрсат ган қаҳрамонимиз вафотидан сўнг «Жасорат» медали билан тақдирланди.
2008 йилдан бери ширин турмуш кечириб, 3 ўғил фарзандли бўлдик. Дадасини ишдан келишини болаларим доим шоду хуррамлик билан кутиб оларди, дейди турмуш ўртоғи Лобар Холмуродова. У кишининг хизмати, фидойилиги эътибордан четда қолмагани мени қувонтирди. Ички ишлар вазири, генерал-лейтенант Пўлат Бобожонов давлатимизнинг юк сак мукофотини топширганда, бутун ҳаётим кўз ўнгимда мужассам бўлди. Турмуш ўр тоғимнинг юрт тинчлиги йўлида жон фидо қилгани, болаларим билан вилоят ИИБ ва вазирлик раҳбарияти назаридан, эътиборидан четда қолмаганимиз учун, унинг хизмати шу даражада қадрлан гани учун Президентимиздан миннатдорман.
Бугунги кунда марҳум Элбек Примовнинг барча фарзандлари мактабда таҳсил олишмоқда. Вилоят ва туман ИИБ ходимлари унинг оиласига моддий ва маънавий ёрдам кўрсатишмоқда. Тўнғич фарзанди Асадбек ота касби га ҳавасманд улғаймоқда. «Дадамнинг касбини албатта давом эттираман ва улардек мард, жасоратли инсон бўла ман», дейди Асадбек. Демак, Элбек Примовнинг жасорати ёш авлод учун матонат ва ибрат мактаби бўлиб қолади.
Содиқ Раҳимов, ўз мухбиримиз. «Постда»
Қашқадарё вилояти