Сектор раҳбарлари, ИИВ ЖХД ЙҲХХ ва прокуратура масъуллари ҳамда тегишли идора ва ташкилот вакиллари иштирокида муҳокама йиғилиши ўтказилди
2024-09-27 06:25:00 / Янгиликлар
Тошкент шаҳрида ўтказиладиган муҳим тадбирларга муносиб тайёргарлик кўриш ҳамда ўтказиш даврида турли нохуш ҳолатларнинг олдини олиш, жамоат хавфсизлигини ишончли таъминлашга қаратилган зарур чора-тадбирлар юзасидан ИИВ ЖХД Йўл ҳаракати хавфсизлиги хизмати бошлиғи полковник Ш.Ибрагимов бошчилигидаги ишчи гуруҳ пойтахтнинг Юнусобод, Шайхонтоҳур ҳамда Сирғали туманларида ўз ишини жадаллик билан бошлади.
Биринчи навбатда белгиланган вазифаларни тўғри ва тартибли бажариш мақсадида юқорида келтириб ўтилган туманлар миқёсида сектор раҳбарлари, ЙҲХХ ва прокуратура масъуллари ҳамда тегишли идора ва ташкилот вакиллари иштирокида муҳокама йиғилиши ўтказилди. Туманларда тезкор штаб ташкил этилиши бўйича ўзаро келишилиб, қўйилган ҳар бир вазифа ўз вақтида, сифатли бажарилиши юзасидан кўрсатмалар берилди.
Амалга ошириладиган барча ишлар кунлик тарзда қатъий назорат қилиниши алоҳида таъкидланди. Ҳар бир соҳавий йўналишлар масъулларига тегишли топшириқлар етказилди.
ИИВ ЖХД ЙҲХХ Ахборот хизмати