Инсон учун фуқаролик паспортига эга бўлиш энг катта ғурур туйғусини бахш этади. Президентимизнинг тегишли Фармони билан мустақиллигимизнинг 33 йиллиги арафасида фуқаролиги бўлмаган, бошқа давлат фуқаролигини олмаган, юртимизда муқим яшаб келаётган, илтимосномалар билан мурожаат қилган шахсларга Ўзбекистон Республикаси фуқаролиги берилди. Хусусан, улар орасида 135 нафар сурхондарёликлар ҳам бор.

Куни кеча вилоят ҳокимлигида ташкил этилган тадбирда Сурхондарё вилояти ҳокими Улуғбек Қосимов Ўзбекистон Республикаси фуқаролигини олган вохадошларимизнинг бир гуруҳига фуқаролик паспортлари – ID карталарни тантанали топширди.

Вилоят раҳбари тадбир иштирокчиларини мустақиллик айёми билан, Ўзбекистон фуқаролиги олганларни фуқаролик билан қутлади.

Сурхондарё вилояти ИИБ Ахборот хизмати