Ўзбекистон Республикаси Президентининг «Жамоат хавфсизлигини таъминлаш ва жиноятчиликка қарши курашиш соҳасида ички ишлар органлари фаолиятини сифат жиҳатидан янги босқичга кўтариш чора-тадбирлари тўғрисида»ги ПФ-6196-сон Фармонига мувофиқ, Самарқанд вилояти ИИОда хизмат қилаётган ҳудудий ички ишлар органлари бошлиқларининг маънавий-ахлоқий савиясини мунтазам равишда ошириб бориш, уларнинг фаолиятини янада рағбатлантириш, Ватан олдидаги шарафли бурчини адо этишдаги хизматлари учун муносиб тақдирлаш, ходимлар орасида соғлом рақобат муҳитини шакллантириш, ўз касбининг энг яхшиларини аниқлаш мақсадида «Энг яхши ички ишлар органлари бошлиғи» танловнинг ҳудудий босқичи бўлиб ўтди.

Танловда иштирок этган раҳбар ва ходимлар 4 босқичда, яъни жисмоний тайёргарлик, жанговар шайлик, уларнинг билим даражасини аниқлашга қаратилган электрон тест синовлари, ҳамда индивидуал психологик хусусиятлари даражасини аниқлашга қаратилган синовлар асосида ўзаро беллашишди.

Танлов якунига кўра унинг ғолиблари аниқланди. Унга кўра 3-ўрин Каттақўрғон тумани ИИБ бошлиғи А.Очиловга, 2-ўрин Жомбой тумани ИИБ бошлиғи Ў.Холиқовга насиб этган бўлса, танлов ғолиблигини Каттақўрғон шаҳар ИИБ бошлиғи Ғ.Исломов қўлга киритди.

Эндиликда Каттақўрғон шаҳар ИИБ бошлиғи Ғ.Исломов танловнинг республика босқичида иштирок этади.

Самарқанд вилояти ИИБ Ахборот хизмати