Ички ишлар вазирлиги Малака ошириш институти Олмалиқ шаҳридаги базасида Касбий тайёргарлик факультетида таълим олаётган махсус касбий тайёргарлик ўқув курслари тингловчилари ўртасида «Кодекс билимдони» мавзусида викторина ташкил этилди.

Викторинанинг финал босқичида «Йўл-патруль фаолияти» йўналишининг «Патруль» жамоаси, «Паспорт тизимини таъминлаш фаолияти» йўналишининг «Миграция» жамоаси, «Жамоат тартибини сақлаш фаолияти» йўналишининг «Билимдонлар» жамоаси, «Жазони ижро этиш фаолияти» йўналишининг «Ёш ходимлар» жамоаси ва «Махсус операцияларни амалга ошириш фаолияти» йўналишининг «Антитеррор» жамоалари ўзаро беллашдилар.

Қизғин ўтган тадбирда 1-ўринни «Миграция» жамоаси, 2-ўринни «Ёш ходимлар» жамоаси, 3-ўринни «Билимдонлар» жамоаси қўлга киритди.

ИИВ Малака ошириш институти Матбуот хизмати