Ҳарбий хизматчиларни ватанпарварлик, она Ватанга муҳаббат ва садоқат руҳида тарбиялаш, уларда миллий ва жанговарлик туйғуларини кучайтириш, маънавий, маданий ва ижодий салоҳиятларини янада ривожлантириш мақсадида, шунингдек, Ўзбекистон Республикаси давлат мустақиллигининг 33 йиллиги муносабати билан Қуролли Кучлар таркибига кирувчи вазирлик-идоралар ҳарбий хизматчилари ҳамда 18 ва ундан юқори ёшдаги ҳаваскор ва профессионал ижодкорлар ўртасида «Энг яхши ватанпарварлик руҳидаги видеоролик», «Энг яхши ватанпарварлик руҳидаги қўшиқ», ҳамда «Ватанни мадҳ этувчи энг яхши шеър» танловларини ўтказиш белгиланган эди.

Шу сабабли куни кеча Ички ишлар вазирлиги Маданият саройида «Энг яхши ватанпарварлик руҳидаги қўшиқ» танловининг Ички ишлар вазирлиги босқичи бўлиб ўтди.

Иштирокчилар орасидан энг муносиблари саралаб олиниб, уларга республика босқичида иштирок этиш учун йўлланмалар берилди.

Унга кўра ИИВ Қўшиқ ва рақс ансамбли ходимлари сафдор Қамбаров Фарҳод, сафдор Ҳамдамов Сухроб, сафдор Бекмуродов Шерали, сафдор Шукруллаев Нуралилар «Ҳур ватанни севиш керак» қўшиғи билан, Фарғона вилоят ИИБ ходимлари сафдор Ғафуров Сарварбек, катта лейтенант Сойибов Исроилжон ва катта лейтенант Исмонов Саидбурхонлар «Юрт посбонлари» қўшиғи билан, ИИВ Қоровул қўшинлари қўмондонлиги ходими кичик сержант Бегдуллаев Толибек «Менинг армиям» қўшиғи билан иштирок этди ва ғолиб деб топилди.