«Ҳар бир оила эътиборда» тамойили асосида Сирдарё вилояти ИИБ бошлиғи полковник Санджар Джабаров аҳоли муаммоларини шахсан ўрганиш мақсадида вилоятнинг олис ҳудуди бўлмиш Сардоба тумани Бирлашган маҳалласида истиқомат қилувчи эҳтиёжманд оилаларнинг оилавий шароитини ўрганди.

Дастлаб вилоят 3-сектор раҳбари маҳалла еттилиги билан маҳалладаги ижтимоий ҳимояга муҳтож оилаларни даромадини ошириш йўналишида олиб борилаётган ишлар билан танишиб, келгусида еттилик томонидан бу каби тоифадаги оилалар билан амалга оширилиши лозим бўлган манзилли ишларни белгилаб берди. Сўнгра Сардоба туман 3-сектор раҳбарига бириктирилган бириктирилган фуқароларнинг яшаш хонадонларига бориб уларнинг оилавий шароити, муаммоларини ўрганиб мазкур оилаларни даромадини ошириш мақсадида имтиёзли тарзда иссиқхона қуриш, паррандачилик ва чорвачилик билан шуғулланиш орқали уларнинг даромадини ошириш юзасидан масъулларга керакли топшириқлар берилди.

Вилоят 3- сектор раҳбари томонидан аҳоли муаммоларини ўрганишлари вилоят ҳудуди бўйлаб давом этмоқда.

Сирдарё вилояти ИИБ Ахборот хизмати