Ходимлар ўртасида жисмоний тарбия ва спортни оммалаштириш, соғлом турмуш тарзини тарғиб қилиш ҳамда мамлакатимизни халқаро спорт майдонларида муносиб иштирок этишини таъминлаш мақсадида турли спорт тадбирлари, мусобақалар ташкил этилмоқда. Хусусан, ҳуқуқни муҳофаза қилувчи органлари ходимлари ўртасида спортнинг «Армрестлинг» тури бўйича Навоий вилояти ИИБ бошлиғи кубоги бўлиб ўтди.

Динамо жисмоний тарбия ва спорт жамияти билан ҳамкорликдаги спорт мусобақасида ҳуқуқни муҳофаза қилувчи орган ходимлари иштирок этиб куч синашдилар. Беллашув мутахассислар томонидан баҳоланиб борилди.

Умумжамоа ҳисобида фахрли 3-ўрин вилоят Фавқулодда вазиятлар бошқармаси жамоасига, 2-ўрин Давлат хавфсизлик хизмати вилоят бошқармасига насиб этди. 1-ўринни вилоят Ички ишлар бошқармаси ходимларидан иборат жамоа қўлга киритди.

Турли вазн тоифасида ғолибликни қўлга киритган ходимлар диплом, медаль ва қимматбаҳо совғалар билан тақдирланди. Биринчиликни қўлга киритганларга бошқарма бошлиғининг кубоги тантанали равишда топширилди.

Навоий вилояти ИИБ Ахборот хизмати