Ички ишлар вазири ўринбосари бошчилигида ИИВ Қоровул қўшинлари ва унинг жойлардаги ҳарбий қисмлари шахсий таркиби билан танқидий муҳокама йиғилиши бўлиб ўтди
2024-06-13 11:45:00 / Янгиликлар
Жорий йилнинг 12 июнь куни Ички ишлар вазири ўринбосари генерал-майор Баходир Юлдашевич Мирзарахимов томонидан ИИВ Қоровул қўшинлари шахсий таркибининг хизмат интизомини мустаҳкамлаш борасида амалга оширилган ишлар ва йўл қўйилган камчиликлар асосида ҳарбий қисмлари шахсий таркиби иштирокида танқидий муҳокама йиғилиши ўтказилди.
Йиғилишда, шахсий таркибнинг ахлоқий-руҳий тайёргарлик даражасини янада кўтаришга қаратилган бир қатор тадбирларни жадаллаштириш ва кўнгилсиз ҳодисаларни келиб чиқишининг олдини олиш, хизмат интизоми ва қонунийликка амал қилиш борасида йўл қўйилган камчиликлар танқидий таҳлил қилиниб, келгусида амалга оширилиши лозим бўлган вазифалар белгиланиб, Қоровул қўшинлари қўмондони, қўмондон ўринбосарларининг ҳисоботлари тингланди.
Сўнг, вазир ўринбосари генерал майор Б.Ю.Мирзарахимов томонидан келгусида ҳар бир ҳарбий хизматчилар билан индивидуал тартибда суҳбатлар ўтказиш, уларнинг оилавий шароитини ўрганиш, ҳарбий хизматчилар ўртасида психологик ва руҳий ҳолатларини соғломлаштиришга қаратилган бир қатор чора-тадбирлар белгиланиб, шунингдек, коррупциявий жиноятлар содир этилишини, фирибгарлик ва бошқа турдаги жиноятлар содир этилишини олдини олиш борасида таъсирчан профилактик тадбирлар олиб борилиши, содир этилган қонун бузилиши, унинг келиб чиқиш сабаблари, бунга имкон берган шарт-шароитларни батафсил ўрганиб, ҳамкорликдаги органлар билан биргаликда манзилли тадбирларни амалга ошириш, қонун бузилишига жазо муқаррарлиги ҳар бир ҳарбий хизматчи онгига сингдирилиши юзасидан вазифалар белгиланди.
Транспорт ва туризм объектларида хавфсизликни таъминлаш департаменти Ахборот хизмати