Бухоро вилоят ҳокими Ботир Зарипов бошчилигида сектор раҳбарлари томонидан Бухоро шаҳрида тунги хизматга жалб қилинган ҳуқуқ-тартибот органлари ходимлари ҳамда жамоатчилик вакиллари иштирокида кенгайтирилган хизмат олди Йўриқномаси ўтказилди
2024-06-05 10:00:00 / Янгиликлар
Жорий йилнинг 4 май куни давлатимиз раҳбарининг Бухоро вилоятига ташрифи якунлари юзасидан ўтказилган йиғилишда берилган топшириқлар ижросини таъминлаш, ҳудудларда жамоат тартиби, фуқаролар хавфсизлиги, мол-мулкларнинг дахлсизлиги, йўлларда ҳаракат хавфсизлигини таъминлаш борасида амалга оширилаётган профилактик тадбирларни янги босқичга олиб чиқиш, айниқса тунги вақтларда назорат тадбирларини кучайтириш мақсадида вилоят ҳокими Ботир Зарипов бошчилигидаги сектор раҳбарлари томонидан Бухоро шаҳар ҳудудида «Хавфсиз тун» тадбирига старт берилиб, тадбирга жалб этилган куч-воситалар, ҳуқуқ-тартибот органлари ходимлари ҳамда жамоатчилик вакиллари иштирокида кенгайтирилган тунги Йўриқнома ўтказилди.
Йўриқномада, прокуратура, ички ишлар, Миллий гвардия, Фавқулодда вазиятлар бошқармаси ҳамда маҳаллалар «еттилик» вакиллари иштирок этишди.
Бунда, хизматга жалб қилинган ходимларга жиноятчиликни барвақт олдини олиш, ҳуқуқбузарликларга қарши кескин курашиш, маҳаллаларда хавфсиз муҳитни таъминлаш, жиноятлардан ҳоли ҳудудга айлантириш борасида тегишли кўрсатма ва топшириқлар берилди.
Шундан сўнг, Бухоро шаҳри ҳудудида криминоген вазиятни барқарорлаштириш, жиноятчиликни олдини олиш, жамоат тартиби ҳамда йўл ҳаракати хавфсизлигини таъминлаш мақсадида кенг қамровли профилактик тадбирлар ўтказишга киришилди.
Бухоро вилояти ИИБ Ахборот хизмати