ИИВ ТҚД томонидан Қашқадарё вилояти ИИБ ҳамда ИЖҚК Департаментининг Қашқадарё вилояти бошқармаси ходимлари билан ҳамкорликда Қарши шаҳрида тезкор тадбир ўтказилди
2024-05-31 17:55:00 / Янгиликлар
Тадбир давомида 1991 йилда Қашқадарё вилоятида туғилган шахс 1981 йилда туғилган, хусусий тадбиркордан 20.000 АҚШ доллари ва 100 млн сўм пулларни олган вақтида ушланди. У Қашқадарё вилояти Қамаши тумани Чим ва Ёртепа маҳаллалари ҳудудида жойлашган 130 гектар давлат захирасидаги бўш ер майдонини 210.000 АҚШ долларига сотишга келишиб, кейинчалик ер майдонларини «аукцион» орқали олиб беришини ҳамда ҳужжатларини расмийлаштириб беришини ваъда қилган.
Тезкор тадбирда аниқланган Бўнак тариқасида олинган 20.000 АҚШ доллари ва 100 млн сўм ашёвий далил сифатида расмийлаштирилди. Ҳолат юзасидан Бош прокуратура ҳузуридаги Иқтисодий жиноятларга қарши курашиш департаментининг Қашқадарё вилояти бошқармаси томонидан жиноят кодексининг 168-моддаси 4-қисми «а» банди ҳамда 28 билан 211-моддаси 1-қисми билан жиноят иши қўзғатилиб, гумонланувчи процессуал тартибда қамоққа олинган.