Беш ташаббус олимпиадаси доирасида Тошкент вилояти ходимлари ўртасида спорт мусобақалари ташкил этилди
2024-05-31 11:15:00 / Янгиликлар
Жисмоний тарбия ва спортни ривожлантириш, ёшлар ўртасида спортни оммалаштириш ҳамда ички ишлар органлари ходимларининг жисмоний тайёргарлигини мустаҳкамлаш доирасида ИИВ томонидан кўламли чора-тадбирлар амалга оширилмоқда.
Жумладан 5 та муҳим ташаббуснинг 2-ташаббуси «Ёшларни жисмоний чиниқтириш, уларнинг спорт соҳасида қобилиятини намоён қилишлари учун зарур шароитлар яратиш»дан иборат.
Бу борада Тошкент вилояти ИИББ томонидан ҳам тегишли чора-тадбирлар белгиланиб, 30 ёшгача бўлган ходимлар ўртасида спортнинг Армрестлинг, Киберспорт, Энг яхши мерган ҳамда Эркин ва Юнон рум кураши бўйича мусобақалар бўлиб ўтди.
Мусобақада бошқарманинг соҳавий хизматлари ва барча шаҳар-туман ИИБлари ёш ходимларидан ташкил топган жамоалар иштирок этди.
Якунда мусобақа ғолиб ва совриндорларига Бош бошқарманинг диплом, медаль ва эсдалик совғалари тантанали топширилди.
Тошкент вилояти ИИББ Ахборот хизмати