Навоий вилояти ИИБ бошлиғи полковник Азат Тасбаев ҳамда бошқа ҳуқуқни муҳофаза қилувчи орган раҳбарлари Томди туманида оммавий сайёр қабул ўтказишди
2024-05-25 11:10:00 / Янгиликлар
Бугунги кунда халқ билан учрашиб, жойларга чиқиб уларнинг дардига қулоқ тутиш, шу орқали аҳолининг розилигига эришиш ҳар бир раҳбарнинг бош вазифасига айланди.
Навоий вилояти ИИБ, вилоят Прокуратураси ва Солиқ бошқармаси сингари сектор раҳбарлари ҳамда бошқа ҳуқуқни муҳофаза қилувчи орган бошлиқлари томонидан ташкил этилган оммавий сайёр қабулнинг навбатдаги манзили Томди тумани бўлди.
Хусусан, шу куни вилоят ИИБ бошлиғи полковник Азат Тасбаев томонидан 20 га яқин томдилик фуқаролар мурожаатлари ўрганилди. Аҳолиси нисбатан кам ва тарқоқ ҳудудларда истиқомат қилувчи мазкур туман фуқаролари томонидан йўлланган ечим талаб муаммоларини ўрганиш баробарида иш билан таъминлаш, электр таъминотидаги узилишлар, ёшларни касбга ўргатиш бўйича таклиф ва мулоҳазалари тингланди.
Мурожаатларнинг 9 таси жойида ҳал этилган бўлса, 7 нафари соҳа мутасаддиларига бириктирилиб бажарилиши назоратга олинди.
Навоий вилояти ИИБ Ахборот хизмати