Шу муносабат билан Ички ишлар вазири генерал-лейтенант Пўлат Бобожонов бошчилигида мазкур тадбирларнинг очилиш маросими ўтказилди. «Янги Ўзбекистон боғи»да икки минг нафар ёшлар иштирокида, бир вақтнинг ўзида Қорақалпоғистон Республикаси, Тошкент шаҳар ва вилоятлар марказларида онлайн тарзда 3 км масофага югуриш марафони бўлиб ўтди. Шунингдек марафон доирасида «Ватанпарварлик марши» ташкиллаштирилди.

Ушбу соғлом турмуш тарзига чорлайдиган «Хавфсиз ҳаёт учун бирлашайлик!» ёшлар марафони тадбирининг иштирокчи ва меҳмонлари учун кўнгилочар дастурлар намойиш этилди. Ғолиб ва номинация эгаларига диплом, қимматбаҳо совғалар ҳамда пул мукофотлари топширилди.

Эслатиб ўтамиз!

«Хавфсиз ҳаёт учун бирлашайлик!» шиори остида ўтказиладиган тадбирлар доирасида қуйидаги номинация ва кўрик-танловлар ўтказилади:

– «Ёшлар жинояти ва ҳуқуқбузарлигидан ҳоли маҳалла» номинацияси;

– «Ёшларга энг кўп ёрдам кўрсатган тадбиркор» номинацияси;

– «Хавфсиз ва равон йўл» номинацияси;

– «Ички ишлар вазири кубоги» волейбол бўйича спорт мусобақаси;

– «Заковат» интеллектуал ўйинлари;

– «Дилларда ватан мадҳи» шиори остида қўшиқ танлови;

– «Дилларда ватан мадҳи» шиори остида шеърият танлови;

– «Ёш ҳуқуқшунос» кўрик-танлови.

23 июнь куни тадбирнинг якуний босқичи Тошкент шаҳрида бўлиб ўтади. Ушбу тадбирга юқорида айтиб ўтилган 8 та номинация ва кўрик-танловларнинг республика ғолиблари тақдирланади ҳамда концерт дастури намойиш этилади.