Бухоро вилояти Ғиждувон тумани ҳокимлиги

 Ўрганиш жараёнида мурожаатда келтирилган ҳолатлар юзасидан тегишли маълумотлар, ҳужжатлар ва бошқа материаллар кўриб чиқилди. 
 Ўрганиш натижаларига кўра, мурожаатда келтирилган айрим ҳолатларни тасдиқловчи аниқ ва етарли далиллар мавжудлиги аниқланмади. 
 Шунингдек, мазкур мурожаат ижтимоий тармоқларда аноним тарзда тарқатилган бўлиб, унда мурожаат муаллифини аниқлаш ҳамда у билан боғланиш имконини берувчи маълумотлар мавжуд эмас. 
 Шу ўринда таъкидлаш жоизки, жамоатчилик томонидан билдирилаётган мурожаат, таклиф ва фикрлар давлат органлари фаолиятини янада такомиллаштиришда муҳим аҳамиятга эга. Шу сабабли, мурожаатларда келтирилаётган маълумотларнинг имкон қадар аниқ, асослантирилган ва ишончли манбаларга таяниши муҳимдир. 
 Шахснинг шаъни, қадр-қиммати ва ишчанлик обрўсига оид маълумотларни тарқатишда уларнинг ҳаққонийлиги ва қонуний асосларига эътибор қаратиш лозим. Бу борада амалдаги қонунчиликда тегишли ҳуқуқ ва кафолатлар белгиланган. 
 Ўрганиш якунларига кўра, мазкур мурожаатда келтирилган ҳолатларни тасдиқловчи етарли асослар аниқланмаганини маълум қиламиз. 
 Айни вақтда Адизов Шерзод Исмоилович ўзига юклатилган хизмат вазифаларини белгиланган тартибда амалга ошириб келмоқда. 
 Шу билан бирга, мазкур масала юзасидан қўшимча асосли мурожаат ва маълумотлар мавжуд бўлса, улар қонунчиликда белгиланган тартибда кўриб чиқилади. 
 Мурожаат муаллифида келтирилган ҳолатларни тасдиқловчи аниқ маълумотлар, ҳужжатлар ёки бошқа далиллар мавжуд бўлган тақдирда, уларни белгиланган тартибда тақдим этиш мумкин. 
 Ғиждувон тумани ҳокимлиги фуқаролар ва жамоатчилик вакилларининг қонуний мурожаатларини очиқ, холис ва белгиланган тартибда кўриб чиқиш тамойилига амал қилади. 
 Мазкур масала юзасидан ўрганиш ишлари амалдаги қонунчилик талаблари ҳамда холислик тамойиллари асосида амалга оширилганини маълум қиламиз.