Бухоро вилояти Ғиждувон тумани ҳокимлиги

Байрам тадбирида Ғиждувон тумани ҳокими Фарход Умаров, ҳуқуқни муҳофаза қилувчи органлар раҳбарлари, кенг жамоатчилик вакиллари, нуронийлар, ёшлар ҳамда турли соҳа вакиллари иштирок этдилар.
Тадбирда сўзга чиққан туман ҳокими Фарход Умаров барча юртдошларни Мустақиллик байрами билан самимий муборакбод этди. Юртимизда ҳукм сураётган тинчлик-осойишталик, халқимизнинг бирдамлиги ва фаровон ҳаёти энг улуғ неъматлардан бири эканини таъкидлаб, барчага мустаҳкам соғлик, оилавий хотиржамлик ва эзгу тилаклар билдирди.
🎶 Гала-концерт дастури миллий санъатимиз ва замонавий ижод намуналарининг уйғунлиги билан янада мазмунли бўлди. Унда Маданият маркази ходимлари ва ғиждувонлик санъаткорлар томонидан куй-қўшиқлар, миллий рақслар, бадиий чиқишлар ҳамда мазмунли саҳна кўринишлари намойиш этилди.
🎤 Байрам оқшомининг махсус меҳмонлари — Ўзбекистонда хизмат кўрсатган артист, эл суйган санъаткор Улуғбек Раҳматуллаев ҳамда таниқли “Қаҳқаҳа” гуруҳининг чиқишлари томошабинларга кўтаринки кайфият улашиб, байрам шукуҳини янада оширди.
👮 Байрам тадбирининг осойишта ва тартибли ўтишини таъминлаш мақсадида Ғиждувон тумани ИИБнинг масъул ходимлари томонидан жамоат тартиби ва фуқаролар хавфсизлиги таъминланди.
🎆 Гала-концерт якунида Мустақиллик байрами шарафига байрам салютлари отилди. Мусаффо тун бағрини ёритган ранг-баранг мушакбозлик байрам оқшомининг ёрқин финалига айланиб, йиғилганларга унутилмас таассурот бағишлади.
✨ Бу шунчаки гала-концерт эмас, балки тинчликни қадрлайдиган, келажакка ишонч билан боқаётган халқимизнинг қувончи ва бирдамлиги намоён бўлган байрам тантанаси бўлди.
 Мустақиллик — халқимизнинг бебаҳо қадрияти, тинчлик — энг улуғнеъмат, бирлик ва ҳамжиҳатлик эса тараққиётимизнинг мустаҳкам пойдеворидир.
🎉 Мустақиллик байрами муборак бўлсин!
Янги Ўзбекистонимиз тинч, осмонимиз мусаффо, халқимиз ҳаёти фаровон ва келажагимиз янада порлоқ бўлсин!