Ассалому алайкум, қадрли тумандошлар!
2026-05-27 01:10:00 / Янгиликлар
Қурбон ҳайити — меҳр-оқибат, саховат, бағрикенглик ва шукроналик каби эзгу фазилатларни янада мустаҳкамлайдиган улуғ айёмдир. Бу кунларда инсонлар бир-бирига янада яқинлашади, кўнгиллар ёришади, эзгулик ва ҳамжиҳатлик туйғулари кучаяди.
Бугунги кунда юртимизда тинчлик ва осойишталик ҳукм сураётгани, халқимиз мана шундай муборак кунларни ҳамжиҳатликда ва хотиржамликда қарши олаётгани — энг улуғ неъматлардан биридир.
Байрам кунларида муҳтожлар ҳолидан хабар олиш, қариндош-уруғ ва яқинларни зиёрат қилиш, хайр-у эҳсонлар қилиш халқимизга хос эзгу қадриятлардир. Бу каби амаллар жамиятимизда меҳр-оқибатни янада кучайтиради.
Азиз юртдошлар, барчангизга сиҳат-саломатлик, оилавий бахт-саодат, хонадонларингизга тинчлик-осойишталик ва файз-у барака тилайман. Юртимиз тинч, халқимиз ҳамиша аҳил бўлсин!
Қурбон ҳайити барчамизга муборак бўлсин!