Бош прокурорнинг биринчи ўринбосари Б.Валиев раҳбарлигидаги ишчи гуруҳи томонидан Президентнинг жорий йил 5 январдаги ПҚ-1 ва ПҚ-2-сонли қарорлари ижросини таъминлаш юзасидан Бухоро вилоятида ўрганишлар давом этмоқда.
2026-05-21 15:05:00 / Янгиликлар
Жумладан, ишчи гуруҳи томонидан Ғиждувон тумани прокуратурасида ташкил этилган штаб фаолияти ўрганилиб, ҳудуддаги криминоген вазиятни барқарорлаштириш, ҳуқуқбузарлик ва жиноятларнинг барвақт олдини олиш, айниқса, хавф гуруҳига кирувчи шахслар билан индивидуал ишлаш самарадорлигини ошириш масалаларига алоҳида эътибор қаратилди.
Жумладан, ёшлар, хотин-қизлар, муқаддам судланган шахслар ҳамда ишсиз фуқаролар ўртасида жиноятчиликнинг олдини олиш мақсадида уларнинг бандлигини таъминлаш, ижтимоий муаммоларини бартараф этиш, шунингдек ҳар бир шахс билан якка тартибда профилактик тадбирлар ўтказишни тизимли ташкил этиш зарурлиги таъкидланди.Шу билан бирга, маҳаллаларда ёшлар, аёллар ва ишсизлар томонидан, шунингдек оила-турмуш муносабатлари доирасида содир этиладиган ҳуқуқбузарлик ва жиноятларнинг барвақт олдини олишда “маҳалла еттилиги”нинг ҳар бир аъзоси зиммасига юклатилган вазифаларни аниқ белгилаб олиш, уларнинг масъулиятини янада кучайтириш юзасидан топшириқлар берилди.Республика идоралараро мувофиқлаштириш штабининг Бухоро вилоятидаги ўрганишлари давом этмоқда.