Бухоро вилояти ҳокимлиги

Шундан сўнг, маҳалланинг таъмирталаб, ўнқир-чўнқир ҳолдаги, кейинги йилларда аҳолининг арз-додига “нишон” бўлиб келган йўлнинг 1 километр қисмини асфальтлаштиришга киришилди.  

Худди шундай, тумандан ўтган “D-186” ва "M-37 автомобиль йўлининг 326- километридан бошланган “Қоракўл қ. – Бандбоши қ. – Қандим газ кони" давлат аҳамиятидаги йўл йирик саноат комплекси ҳисобланган Қандим газ бурғулаш корхонаси жойлашган чўл массиви томон олиб борувчи серқатнов йўллардан ҳисобланади.

Ўтган аср олтмишинчи, етмишинчи йилларида қурилган ушбу йўл таъмирталаб аҳволга келиб қолган эди. Бундан аксарият ҳайдовчилар чанг-лой кечиш хавфсиз ҳаракатланишга халақит қилаётгани, йўлдаги чуқурлик, нотекисликлардан қочиб қарама-қарши йўналишга чиқиб кетиш ҳолатларининг кўплиги, бу эса автотранспорт воситалари техник созлигига зарар етказаётганидан шикоят қилишарди. 

Ниҳоят, сўнгги бир ойда Қоракўл туман йўллардан фойдаланиш давлат муассасаси томонидан мазкур йўлнинг 4 километр қисми таъмирдан чиқарилиб,  асфальтлаштирилгани бу йўлдан қатновчилар учун кўпдан кутилган янгилик бўлди. 
Икки манзилда ҳам йўл қурилишида дастлаб зарур участкалар шағаллаштирилиб, махсус техникалар ёрдамида йўл асоси текисланди. Шундан сўнг, асфальт қопламаси ётқизилишидан олдин зарур кимёвий модда, аралашмалар билан йўл пойдевори мустаҳкамланди.

Умуман, айни кунда қоракўлликлар маҳалла ва қишлоқларида бу каби зарур инфратузилма иншоотлари таъмири бораётгани ободонлаштириш ишлари тизимли йўлга қўйилгани далолатидир. Асфальт бостирилаётган равон йўл ҳаракатланиш хавфсизлиги ва қулайлиги учун зарур омил бўлиши баробарида  ҳудуднинг кўркига ҳам кўрк қўшмоқда. 

Вилоят ҳокимлиги матбуот хизмати