Бухоро вилояти ҳокимлиги

Вилоят ҳокими ҳарбийларни 26-центабр – Ўзбекистон Республикаси Давлат хавфсизлиги хизмати органлари ходимлари куни байрами билан қутлаб, Президентимиз томонидан бошланган ислоҳотлар ҳарбий соҳада ўз ижобий натижасини кўрсатаётгани, ҳарбий-маъмурий секторлар ташкил этилиб, жойларда давлат ҳокимияти органлари ҳам мамлакатимиз мудофаа қудратини мустаҳкамлашда фаол иштирок этиб келаётгани ҳақида тўхталиб ўтди.

Мамлакатимиз Президенти, Қуролли Кучлар Олий Бош Қўмондони Шавкат Мирзиёев томонидан сўнгги йилларда Қуролли Кучларнинг ҳарбий-жанговар қудратини ошириш, қўшинлар моддий таъминотини яхшилаш, замонавий ва тезкор армияни ташкил қилиш борасида кенг кўламли ишлар олиб борилгани таъкидланди.

Хусусан, давлат хавфсизлик хизмати чегара қўшинларида ҳам туб ўзгариш ва янгиланишлар амалга оширилгани, ҳарбий қисм ва шаҳарчалар инфратузилмаси яхшилангани, ҳарбийлар учун замонавий хизмат ва маиший шароитлар яратилгани,  уларнинг оила аъзоларини ижтимоий ҳимоялаш чоралари кўрилаётгани эътироф этилди.

Айтиб ўтилганидек, мазкур йўналишда Бухоро вилоятида ҳам манзилли тадбирлар амалга оширилди. Охирги беш йилда Бухоро ҳарбий-маъмурий секторини ривожлантириш жамғармасидан чегара қўшинлари бўлинмалари инфратузилмасини ривожлантириш учун 70 млрд. сўмга яқин маблағ йўналтирилди. Ажратилган маблағлар доирасида Ромитан туманидаги чегара қўриқлаш взводи учун маъмурий ва ёрдамчи бинолар мажмуаси барпо этилди. Бундан ташқари, ҳарбий хизматчилар ва уларнинг оила аъзолари учун 13 та хонадондан иборат турар жой биноси, уларнинг фарзандлари учун эса мактабгача таълим ташкилотининг 20 ўринли муддатли гуруҳи биноси қуриб битказилди. Ҳудуддадаги стадион, болалар ўйингоҳи ва барпо этилган бошқа объектлар ҳарбийларга ва уларнинг оилаларига қулайликлар яратади.

Мазкур бино-ишоотларни қуриш ва фойдаланишга топшириш учун 15,0 млрд. сўмга яқин маблағлар ажратилди.

— Амалга оширилган ишлар натижасида чегарани қўриқлаш взводи маъмурий мажмуаси буткул янги, замонавий қиёфага кирганлигини кўриб турибмиз. Буларнинг барчаси, Ҳурматли Президентимиз томонидан амалга оширилаётган туб ислоҳотларнинг натижаси десак, асло муболаға бўлмайди. Фурсатдан фойдаланиб, ушбу мажмуани қуришда жонбозлик кўрсатган қурувчиларимизга алоҳида миннатдорчилик билдирамиз, — деди Ботир Зарипов. 

Тадбирда фахрий хизматчилар, нуронийлар ҳам сўз олиб, янгидан барпо этилган мазкур ҳарбий шаҳарча ҳарбийларнинг ўз хизмат вазифаларини хотиржам, кўнгиллари тўқ бўлиб бажаришларига, янада садоқат ва ватанпарварлик ҳисси билан жонажон Ватанимиз сарҳадларини қўриқлашларида муҳим омил бўлишини таъкидлашди. 
Ҳарбийларнинг ижтимоий ҳимояси йўлидаги бу каби катта ишлар учун Президентимизга миннадорлик билдиришди.

Шундан сўнг иншоотлар қурилишида жонбозлик кўрсатган қурилиш ташкилотлари раҳбарлари ва ходимларига алоҳида эҳтиром кўрсатилди. Янги хизмат уйлари калитлари ўз эгаларига тантанали тарзда топширилди. 

Манзилдаги шарт-шароитлар билан танишилиб, уй эгалари билан суҳбатлашилди. Нуроний отахонлар дуога қўл очиб, юртга тинчлик-осойишталик, оилаларга қут-барака тиладилар.

Вилоят ҳокимлиги матбуот хизмати