Бухоро вилояти ҳокимлиги

Ушбу топшириқ асосида ҳукумат қарори билан «Илк ривожланиш марказлари тўғрисида»ги низом тасдиқланган бўлиб, Низом мактабгача таълим билан қамраб олинмаган ҳамда алоҳида таълим эҳтиёжлари бўлган болаларга таълим-тарбия хизматларини кўрсатиш бўйича Илк ривожланиш марказларини ташкил этиш тартибини белгилайди.

Марказлар 3–6 ёшли болаларни, хусусан, камбағаллик даражаси юқори ва алоҳида таълим эҳтиёжлари бўлган оилалар фарзандларини қамраб олган ҳолда ташкил этилиши кўзда тутилган. 

Мактабгача таълим тизимини янада такомиллаштириш, болаларнинг сифатли мактабгача таълимдан тенг фойдаланишини таъминлаш, алоҳида таълимга эҳтиёжи бўлган болаларни мактабгача таълим билан қамраб олиш мақсадида Бухорода ҳам «Илк ривожланиш марказлари» фаолияти босқичма-босқич йўлга қўйилмоқда.

Бугун Ғиждувон, Вобкент ва Жондор туманларида фарзандларимиз келажаги учун хизмат қиладиган, уларнинг иқтидори ва орзуларини рўёбга чиқарадиган ана шундай «Илк ривожланиш марказлари» ўз фаолиятини бошлади.

Айтиш жоизки, Ғиждувон туманидаги 66-умумтаълим мактаби биносининг бўш турган бир қисми ссуда орқали берилган 400 миллион сўм маблағ ҳисобига тамирланиб, болаларнинг таълим-тарбия олишлари учун зарур шарт-шароитлар яратилди. 
Марказда ижтимоий ҳимояга муҳтож, кам таъминланган оила фарзандлари ва инклюзив таълимга эҳтиёжи бор болалар тарбияланади. Марказга икки навбатда 240 нафар ўғил-қизни қамраб олиш имкони бор. Бу ерда педагоглар томонидан ақлий ривожлантириш машқлари, турли машғулотлар ўтказилади. 

— Бизнинг олдимизга кам таъминланган, ижтимоий кўмакка муҳтож ва эҳтиёжманд оилаларнинг мактабгача таълимга қамраб олинмаган фарзандлари, шунингдек, алоҳида таълимга эҳтиёжи бор болалар билан индивидуал ишлаш, уларнинг шахсиятини шакллантириш ва ижодий қобилиятларини ривожлантириш, замонавий инклюзив мактабгача таълим ва тарбия олишлари имконини берувчи қулай муҳит яратиш, ижтимоий мослашуви ва бошланғич таълимга тайёрлигини таъминлаш, бу жараёнида болага ва ота-оналарга ҳар томонлама ёрдам бериш каби вазифалар қўйилган. Уйга ташриф буюриш дастури орқали ҳам ижтимоий ҳимояга муҳтож, камбағал, кам  кам таъминланган оилаларнинг боғчага қамраб олинмаган 3-7 ёшгача бўлган болаларига таълим-тарбия бериш мўлжалланган. Лекин болалар орасида бир ёшлилари ҳам бор. Бунда педагог ходимимиз ҳафтада камида бир марта хонадонга бориб, белгиланган дастур асосида бола билан машғулот ўтади, -дейди вилоят мактабгача ва мактаб таълими бошқармаси бошлиғи Ҳамза Эллиев. 

Ғиждувон туманида фаолият бошлаган «Илк ривожланиш маркази»нинг очилиш маросимида вилоят ҳокими Ботир Зарипов сўзга чиқиб, йиғилганларни мамлакатимиз мустақиллигинг 34 йиллиги ҳамда янги муассаса билан қутлади. 

Йиғилганлар марказда яратилган шарт-шароитлар билан яқиндан танишишди. 

Шунингдек, Вобкент ва Жондор тумамнларида ҳам худди шундай марказлар фаолият бошлади. 

Вилоят ҳокимлиги матбуот хизмати