Бухоро вилояти ҳокимлиги

Қайд этилишича,  туманда 279 та фермер хўжалиги мавжуд бўлиб, уларнинг 240 таси пахта-ғаллачилик, 6 таси боғдорчилик-узумчилик, 5 таси сабзавот-полизчилик, 13 таси чорвачилик, 2 таси ғаллачилик, 3 таси балиқчилик, 4 таси асаларичилик ва  6 таси бошқа йўналишда фаолият юритмоқда. 

Туманда 2025 йил ғалла ҳосили учун 223 та фермер хўжаликлари тасарруфидаги  6 минг 34 гектар майдонда ғалла экилиб, парвариш қилинган. Дон корхоналари ва фермер хўжаликлари ўртасида 16 минг 816 тонна, шундан, вақтинчалик сақлаш учун 10 минг 316 тонна ва давлат хариди учун 6 минг 500 тонна дон топшириш бўйича шартномалар тузилган. 

Ҳозирги кунга қадар барча фермер хўжаликларида ғалла ўрим-йиғим ишлари якунланган. Туманда ғалла шартномавий режаси 17007 тоннага ёки режага нисбатан 101,1 фоизга бажарилган. 

Туманда ғалладан бўшаган 5 минг 915 гектар майдонда такрорий экинлар экиш режалаштирилган. Жумладан, 213 гектар дуккакли, 730 гектар мойли, 315 сабзавот, 220 гектар полиз, 150 гектар картошка, 1988 гектар озуқабоп, 2298 гектар тариқ, 951 гектар пахта экиш бўйича ишлар олиб борилмоқда. 

Шунингдек, 2025 йил ҳосили учун 248 та фермер хўжаликлари томонидан 8 минг 100 гектар майдонда чигит экилиб, парвариш қилиниб келинмоқда. Бугунги кунда ғўза майдонларини 1-2-озиқлантириш ишлари тўлиқ тугатилган.  

Учрашувда ҳозирги иссиқ об-ҳавода ғўза ҳосилини сақлаб қолиш  мақсадида амалга ошириладиган агротехник тадбирлар муддатида ва сифатли амалга ошириш бўйича фермер хўжаликлари раҳбарларига тушунтиришлар берилди. 
Ўз навбатида учрашувда иштирок этган фермерлар мавжуд муаммолари билан вилоят раҳбарига юзланишди. Хусусан, “Сайёт” ҳудудини сув билан таъминловчи “Зарафшон” дарёсининг 1,5 км, “Чандиробод”, “Қуввача”, “Жиғачи”, “Қорахожи”, “Қораун” ҳудудларини сув билан таъминловчи “Ёмонжар” каналининг 26 км қисмини қазиш, кластер ва фермерлар ўртасидаги ҳисоб-китобларни амалга ошириш каби масалалар ўртага ташланди. 

Ботир Зарипов бу борада масъул раҳбарларга тегишли топшириқ ва кўрсатмалар берди. 

Бундан ташқари, вилоят раҳбари ғўза парваришини кечиктирмаслик, ғалладан бўшаган майдонларга такрорий экин экиш, қуёш панеллари ўрнатиш ҳамда сув тежовчи технологиялардан кенг фойдаланиш бўйича ҳам тавсияларини билдирди.

Қолаверса, экспорт салоҳиятини яхшилаш, озиқ-овқат хавфсизлигини таъминлаш, аҳолининг арзон ва сифатли маҳсулотларга бўлган эҳтиёжини қаноатлантириш масалалари юзасидан ҳам фикр алмашилди.

Шунингдек, вилоят раҳбари “маҳалла еттилиги” вакиллари билан ҳам мулоқот қилди. Унда аҳоли даромадларини ошириш, бандликни таъминлаш, тадбиркорликни ривожлантириш, эрта никоҳларнинг олдини олиш, хотин-қизлар ва ёшлар билан ишлаш каби долзарб масалалар муҳокама қилинди. 

Умуман, маҳаллалардаги ижтимоий, иқтисодий, инфратузилмавий масалалар батафсил кўриб чиқилиб, бу борада зарур чора-тадбирлар белгиланди. 

Вилоят ҳокимлиги матбуот хизмати