Бухоро вилояти ҳокимлиги

Ҳозир у Хитойда 30 та филиалга эга бўлиб, олтита соҳани бирлаштирган тўлиқ саноат занжири бизнес моделини ташкил этади: пахта уруғчилиги, пахта экиш, сотиб олиш ва қайта ишлаш, тўқимачилик ва кийим-кечак, қўшимча маҳсулотни қайта ишлаш ва савдо. Компания таркибида уруғчилик ва юқори стандартли пахта экиш базаси, пахтани қайта ишлаш заводи, пахта-тўқимачилик саноат парки ва 2 та йирик нефтни қайта ишлаш заводи мавжуд бўлиб, уларда 30 мингдан ортиқ кишининг бандлиги таъминланган.  

Албатта, кейинги йилларда мамлакатимизда қишлоқ хўжалиги тармоқларини ривожлантириш бўйича олиб борилаётган ислоҳотлар туфайли хитойлик ишбилармон доира вакиллари, сармоядорлар билан ҳам бу борада қатор истиқболли лойиҳалар амалга оширилмоқда. Хусусан, бу борада “Бухоро агрокластер” МЧЖ томонидан ҳудудда амалий саъй-ҳаракат бошланган. Ҳозирда мазкур жамият ва “Xinjiang Lihua Group Co., Ltd” ўртасида ўрнатилган ҳамкорлик яхши самара бермоқда. Шунга кўра, кластер томонидан иқтисодий ўсиш ва аҳоли бандлигини таъминлашга доир олиб борилаётган ишлар янада жадаллашмоқда.

Инвестицион ҳамкорлик алоқаларини мустаҳкамлаш, юқори сифатли пахта навлари етиштириш, юқори ҳосилдорликка эришиш ва етиштирилган хом ашёни чуқур қайта ишлаш мақсадида Бухоро вилояти ҳокими бошчилигидаги делегация Хитой Халқ Республикасига ташрифи давомида мазкур компанияда ҳам бўлди. 

Дастлаб компания таъсисчиси Чжан Цихай билан ўтказилган музокарада Бухорода ғўза уруғчилиги, кластерлартомонидан пахта хомашёсини етиштиришдан тортиб то уни чуқур қайта ишлашгача бўлган жараёнларда ушбу компания тажрибасини оммалаштириш масалалари кўриб чиқилди. 

Мулоқотда асосан, маҳаллий иқлим шароитига мос пахта ҳосилини етиштириш ва қайта ишлашнинг мураккабликлари, бу жараёнда таклиф қилинаётган иш услуби, агротехник тадбир ва технологиялар муҳокама қилинди. Бунда ҳудуднинг инфратузилмасини яхшилаш, техникалар билан таъминлаш, суғориш технологиялари билан боғлиқ ишлар учун киритиладиган сармояларга алоҳида эътибор қаратилди. Шунингдек, компаниянинг пахта етиштириш ва уни қайта ишлаш технологияси бўйича лойиҳа тақдимоти ўтказилди.

Шундан сўнг делегация аъзолари компаниянинг гўза уруғчилиги майдонларини кўздан кечиришди. 

Меҳмонларга уруғликка тайёрланаётган пахта навлари, унинг агротехнологияси ҳақида батафсил маълумот берилди.

Шу куни вилоят делегацияси компаниянинг пахта қайта ишлаш корхоналари фаолияти билан яқиндан таништирилди.

Хитойлик инвесторлар билан олиб борилган музокаралар якунига кўра, лойиҳа амалга ошириладиган ер майдонлари ажратилиши ва қонунчилик асосидаги фаолиятга доир келишувга эришилди.

Вилоят ҳокимлиги матбуот хизмати