Бухоро вилояти ҳокимлиги

Мазкур лойиҳанинг 1.4 — «Аёллар тадбиркорлигини ривожлантириш» суб-компоненти доирасида, қишлоқ ҳудудларида оғир шароитда яшаётган аёлларни иқтисодий билим ва салоҳиятларини ошириш, тадбиркорлик фаолиятларини амалга оширишлари учун кўмаклашиш, хусусан, янги бизнес ишини бошлашда кўпроқ қийинчиликларга дуч келаётган кам таъминланган аёллар бошчилигидаги тадбиркорликни қўллаб-қувватлашга қаратилган ишларни амалга оширилиши белгиланган.

Ушбу лойиҳа доирасида жумладан, вилоятимизда Олот ва Пешку туманларидан йил давомида эҳтиёжманд оилалардан жами 1 минг нафар ташаббускор аёл гуруҳларга бўлиниб, тадбиркорликка ўқитилиб, уларга ўз йўналишлари бўйича мутахассислик сирлари ўргатилмоқда.

Бунинг учун биринчи навбатда, гуруҳлар жойлашган маҳаллада қандай тадбиркорлик шароитлари борлиги аниқланади ҳамда аёлларга лойиҳа томонидан танланган ташкилот орқали 6 ой давомида иқтисодий ночорликдан чиқариш бўйича амалий кўмаклашилади.

Иштирокчиларга индивидуал бизнес маслаҳатлари, тренинглар, менторлик ва халқаро методика асосида ишлаб чиқилган амалий инструментлар тақдим этилмоқда.  Зеро, бу лойиҳанинг мақсади – қишлоқ аёллари орасида тадбиркорлик учун қулай шароит яратиш, кичик бизнесни молиялаштириш, ўқитиш ва бозорга чиқиш билан боғлиқ тўсиқларни бартараф этиш ҳамда истиқболли бизнес ғояларни муваффақиятли корхоналарга айлантиришга ёрдам беришдан иборат.

Мазкур тадбир «Жаҳон банки», Бухоро вилояти хокимлиги, Қишлоқ тадбиркорлигини ривожлантириш «иккинчи фаза» лойиҳаси ҳамда «Эквита Италия» ҳалқаро консультация компанияси кўмаги билан жорий йилнинг 17 апрель куни Бухоро шаҳридаги «Ишга марҳамат» мономаркази биносида бўлиб ўтди. 

Тадбирда ҳамкор ташкилотлар, Олот ва Пешку туманларидаги хотин-қизлар фаоллари, аёллар дафтарига киритилган фуқаролар, савдо-саноат палатаси, Бандлик бошқармаси, «Тадбиркор аёл» ассоциацияси, хотин-қизлар тадбиркорлик маркази масъуллари иштирок этдилар.

Вилоят ҳокимлиги матбуот хизмати