Когон тумани: “Мевазор”да тадбиркор аёллар сафи кенгаймоқда
2026-02-04 17:55:00 / Янгиликлар
Хусусан, Когон туманидаги “Ўба-чўли” маҳалла фуқаролар йиғинига қарашли “Мевазор” қишлоғида истиқомат қилувчи Зилола Бафоева ана шундай ислоҳотлар самарасидан унумли фойдаланиб келаётган фаол тадбиркор аёллардан биридир.
У ўтган йили ўз ташаббуси билан қўзиқорин етиштириш фаолиятини йўлга қўйиб, қисқа фурсат ичида дастлабки ҳосилларни олишга муваффақ бўлди. Бугунги кунда ушбу фаолият тури хонадон бюджетига барқарор даромад келтирмоқда.
Шунингдек, Зилола Бафоева бир неча йил аввал паррандачилик йўналишида ҳам тадбиркорлик фаолиятини бошлаган. “Ҳар бир оила — тадбиркор” дастури доирасида маҳалла ҳокими ёрдамчиси томонидан ажратилган 33 миллион сўм миқдоридаги имтиёзли кредит маблағлари эвазига бройлер жўжаларини етиштириш йўлга қўйилди. Натижада қисқа муддатда ишлаб чиқариш ҳажми кенгайтирилиб, маҳаллий бозорлар сифатли парранда маҳсулотлари билан таъминланмоқда.
— Албатта, ҳар бир фаолиятнинг ўзига хос қийинчилик ва масъулиятлари мавжуд. Бироқ меҳнат натижасида олинаётган даромад ва унинг баракаси барча машаққатларни оқлайди, — дейди тадбиркор суҳбат давомида.
Вилоят ҳокимлиги матбуот хизмати