Бухоро вилояти ҳокимлиги

Мазкур хизмат сафари доирасида Шофиркон туманида фаолият юритаётган касб-ҳунар мактаблари ва техникумларда “Huaxin” коллежи тажрибаси асосида янги йўналишларни жорий этиш, замонавий ўқув дастурларини ишга тушириш ҳамда келгусида янги таълим муассасасини ташкил этиш масалалари муҳокама қилинди.

Хитой сафарида Алишер Файзиллоев “Халқаро алмашинув ва ҳамкорлик” мавзусидаги конференцияда иштирок этди. Мазкур конференцияда “Huaxin” коллежи ижрочи директори Ван Луна шунингдек, халқаро ҳамкорлик ва алмашинув учун масъул бўлган тегишли мутахассислар билан фикр алмашилди. 

Конференция давомида Ван Луна “Hebei Geo university” Huaxin факультети ижрочи декани сифатида, лойиҳа доирасида олиб борилган илмий-тадқиқот ишлари юзасидан ахборот берди. Унда мактабнинг келгуси халқаро ривожланиш стратегияси тизимли равишда ёритилиб, таълим муассасасини интернационаллаштириш, иқтидорли ёшларни тайёрлаш, академик алмашинувларни тартибга солиш, таълим ресурсларидан биргаликда фойдаланишнинг амалий механизмлари муҳокама қилинди.

Шунингдек, “Huaxin” коллежи доимий равишда халқаро таълим ҳамкорлиги платформасини ривожлантириб келаётгани, очиқ ва ўзаро манфаатли ҳамкорлик орқали таълим сифатини оширишга хизмат қилаётгани алоҳида таъкидланди. Икки томон етакчилари ўртасида бўлиб ўтган музокараларда таълим даргоҳлари ўртасидаги халқаро ҳамкорлик лойиҳаларини рўёбга чиқариш, Шофиркон туманида “Huaxin” коллежи тажрибаси асосида инновацион ўқув дастурларини ишга тушириш борасида келишувга эришилди. Хорижий хизмат сафари самараси ўлароқ, яқин кунларда хитойлик ҳамкорларнинг вилоятимиз туманига ташрифи кутилмоқда. 

Вилоят ҳокимлиги матбуот хизмати