Бухоро вилояти ҳокимлиги

Таъкидлаш лозимки, Бухоро шаҳридаги 42-ихтисослаштирилган давлат умумтаълим мактаби Жанубий Корея таълим муассасалари билан мустаҳкам алоқа ўрнатган. Бу ерда етти йилдирки, ўқувчиларга корейс тилидан ҳам сабоқ берилади. Қолаверса, мазкур таълим масканида ва Ғиждувон туманидаги мактабларда ENOZ  таълим муассасаси билан ҳамкорликда AI–ICT ўқув хоналари ҳамда қисқа муддатли амалий дастурлар ишлаб чиқилган. Лойиҳа ўқувчиларга дастурлаш, робототехника, генератив сунъий интеллект, виртуал реаллик (VR–виртуал муҳит технологияси), кенгайтирилган реаллик (AR–қўшимча реаллик), ҳамда интернет буюмлари тизими (IoT – ақлли қурилмалар тармоғи) бўйича замонавий кўникмалар беришга қаратилган.

Учрашувда Корея давлатида мактаб таълим тизимида сунъий интелектни жорий этилган мактаблар тажрибаси ўрганилиб, вилоятдаги мактабларга жорий этиш бўйича ҳамкорлик ўрнатиш масалалари кўриб чиқилди. 

Мулоқот давомида ЕNОZ (English Networking Zone/collaboration and information exchange) таълим муассасасининг контент тайёрлаш бўйича ўринбосари Heo Seung Won Бухоро вилоятидаги мактабларга сунъий интелектни жорий қилиш юзасидан тақдимот қилди. 

Тақдимотда таъиланганиек, 42-умумтаълим мактаби учун таклиф этилаётган ўқув модели уч асосий босқичдан иборат: ўқитувчилар учун 3 ойлик тайёрлов курси, ўқувчилар учун 3 ойлк умумий технологик курс ҳамда 1 ойлик махсус клуб дастури. Ўқув курсини тугатган ўқитувчилар туман-шаҳарлардаги ўқитувчиларни каскад усулида тайёрлайди. Клуб доирасида Пйтҳон, ЛУА, ИоТ, робототехника ва 3Д ўйин яратиш бўйича амалий машғулотлар ўтказилади.

Ғиждувон туманидаги мактаблар учун эса интенсив IT-клуб модели таклиф этилган бўлиб, унда кодлаш, VR, робототехника, веб-дастурлаш ва генератив AI бўйича қисқа модуллар жой олган. Бу ҳудудларда AI компетенсияларини тез шакллантиришга хизмат қилади.

Ушбу харажатлар AI асослари, Python/HTML, LUA/Roblox, VR, IoT, veb-дизайн ва мултимедиа бўйича машғулотларни қамраб олади. Тренинг харажатлари ENOZ томонидан молиялаштирилиши кўзда тутилган. 

Амалга ошириш босқичлари сентябр–октябр ойларида тайёргарлик ва жиҳозлаш, ноябрда ўқитувчи ва ўқувчи курслари, декабрда Корея билан тажриба алмашинуви билан якунланади. Натижада ўқувчилар AI орқали расм, видео, мусиқа, 3D лойиҳалар ва VR ўйинлари яратиш қобилиятига эга бўлади, мактаблар эса ҳудудий AI марказига айлантирилади.

Ботир Зарипов мазкур лойиҳа барча йўналишлар, хусусан, мактаб таълими учун ҳам жуда муҳим эканлигини алоҳида таъкидлади ва бундай рақамли таълимни жорий этишни қўллаб- қувватлашга тайёрлигини билдирди.

 Лойиҳа доирасида Бухоро шаҳридаги 42-умумтаълим мактабида таянч мактаби ташкил этилиши, таянч мактабда ЕNOZ таълим муассасаси билан ҳамкорликда тренер-ўқувчи ва тренер-ўқитувчилар тайёрланиши юзасидан келишувга эришилди.

Келишувга кўра, ЕNOZ таълим муассасасининг тренер-ўқитувчилари белгиланган ўқув-дастурлар асосида таянч мактабда 2-4 ойлик ўқув ва амалий машғулотлар ташкил этади. 

Вилоят ҳокимлиги матбуот хизмати