Бугун, Ўзбекистон Республикаси Адлия вазирлиги ҳузуридаги «Ўзархив» агентлиги ҳамда Татаристон Республикаси Архив иши бўйича Давлат қўмитаси (Россия Федерацияси) ўртасида ҳамкорликни кенгайтириш ва қўшма тадбирларни амалга ошириш бўйича чора-тадбирлар реж
2025-05-21 11:00:00 / Янгиликлар
Бугун, Ўзбекистон Республикаси Адлия вазирлиги ҳузуридаги «Ўзархив» агентлиги ҳамда Татаристон Республикаси Архив иши бўйича Давлат қўмитаси (Россия Федерацияси) ўртасида ҳамкорликни кенгайтириш ва қўшма тадбирларни амалга ошириш бўйича чора-тадбирлар режаси (2025-2027 йиллар учун) имзоланди.
2025 йил 21 май куни Ўзбекистон Республикаси Адлия вазирлиги ҳузуридаги «Ўзархив» агентлиги ҳамроҳлигида Татаристон Республикаси Архив иши бўйича Давлат қўмитаси (Россия Федерацияси) делегациясининг Самарқанд вилоят давлат архивига ташрифи амалга оширилди. Ташриф давомида икки томон ўртасида келгусидаги ҳамкорлик масалалари муҳокама этилди. Музокаралар мобайнида «Ўзархив» агентлиги ҳамда Татаристон Республикаси Архив иши бўйича Давлат қўмитаси раҳбарларининг соҳага доир мавзули тақдимотлари ўтказилди. Хусусан Татаристон Республикаси Архив иши бўйича Давлат қўмитаси раиси Г. З. Габдраҳманова томонидан Татаристон архив ишининг асосий йўналишлари ҳамда рақамли трансформацияси бўйича тақдимотлари намойиш этилди. Учрашувдан сўнг Самарқанд вилоят давлат архиви бўйлаб экскурция ташкил этилиб, у ердаги шарт-шароитлар, жумладан амалдаги ахборот тизимлари, рақамлаштириш усуллари тўғрисида маълумотлар юзасидан батафсил ахборот берилди.