Soliq qo‘mitasida umumiy ovqatlanish sohasida faoliyat olib borayotgan tadbirkorlar bilan uchrashuv bo‘lib o‘tdi
2024-09-13 18:25:00 / Qo'mita yangiliklari
Prezidentimizning tadbirkorlar bilan ochiq muloqot doirasida bergan topshiriqlari ijrosini ta'minlash maqsadida Soliq qo‘mitasida umumiy ovqatlanish sohasida faoliyat olib borayotgan tadbirkorlar bilan uchrashuv bo‘lib o‘tdi
Unda Savdo-sanoat palatasi rahbariyati ham ishtirok etdi.
Muloqotdan ko‘zlangan asosiy maqsad - umumiy ovqatlanish korxonalari tomonidan naqd pulga xarid qilingan qishloq xo‘jaligi mahsulotlarini kirim hujjatlarini optimallashtirish bo‘yicha yechimlar topish.
Asosiy e'tibor biznes vakillarining fermer va dehqon xo‘jaliklari hamda aholidan qishloq xo‘jaligi mahsulotlarini sotib olishda duch keladigan muammolariga qaratildi.
Uchrashuvda ushbu sohalardagi mavjud muammolar va ularning yechimlari bo‘yicha tadbirkorlarning takliflari tinglandi.
Shuningdek, qishloq xo‘jaligi mahsulotlarini xarid qilishda qulayliklar yaratish bo‘yicha normativ-huquqiy hujjat loyihasini ishlab chiqish yuzasidan takliflar qabul qilindi.