Nókis rayonı haqqında qısqasha maǵlıwmat Nókis rayonı Qaraqalpaqstan Respublikasınıń arqa tárepinde jaylasqan bolıp, rayon 1968-jılı 25-dekabr kúni shólkemlestirilgen. Túrkmenstan Respublikası, Xojeli, Qanlıkól, Kegeyli, Qaraózek, Ámiwdárya rayonları hám Nókis qalası menen shegaralas. Rayonnıń ulıwma jer maydanı 94391 ga. suwǵarılatuǵın egislik jerleri 31022 ga. 2025-jıl 1-aprel jaǵdayına bola rayon xalqınıń sanı 55, 204 mıń adamdı quraydı. Sonnan 11,022 mıń adam qalada, 44,182 mıń adam awılda jasaydı. Rayonda 1 kishi qala, máhálle hám 11 puqaralar jıyını (Baqanshaqlı, Qırantaw, Taqırkól, Samanbay, Kerder, Arbashı, Qutankól, Aqterek, Dársán, Úrnekli mákan, Toqtov, Diyxan jap) awıl hám máhálle puqaralar jıyınları bar.  Orayı Aqmańǵıt qalashası. Rayonda házirgi waqıtta 2 kásip-óner mektebi, 32 mektep, 142 orınǵa mólsherlengen emlewxana, kúnine 380 adamdı qabıl ete alatuǵın poliklinika, 1 málimleme resurs orayı, 1 sport mektebi,1 muzıka mektebi jumıs alıp barmaqta. Rayonnıń ekonomikalıq negizi miywe-ovosh jetistiriwge qánigelesken.