Karate-do boyınsha 17-jáhán chempionatınıń jeńimpazları saltanatlı túrde kútip alındı
2025-10-10 18:55:00 / Министрлик
2025-jıl 27-sentyabr 3-oktyabr kúnleri aralıǵında jas óspirimler, jaslar hámde eresek sportshılar arasında Yaponiya mámleketiniń Tokio qalasında shotokan karate-do boyınsha 17-jáhán chempionatı bolıp ótti.
Bul chempionatqa jámi 30 dan aslam mámleketler menen birgelikte Ózbekstan Respublikası saylandı komandasıda qatnastı.
Bolıp ótken 17-jáhán chempionatına Ózbekstan Respublikası saylandı komandası quramında Qaraqalpaqstanlı sportshılarda qatnastı.
Jarıs juwmaǵında E. Umarova 1-orındı, K.Baxtiyarova 2-orındı, A.Quatbaeva 1-orındı M.Imamatdinova jeke kumite jónelisi boyınsha 3-orın hám komandalıq kumite jónelisi boyınsha 1-orındı hám J.Imamatdinov jeke kumite jónelisi boyınsha 3-orın, komandalıq kumite boyınsha 2-orınları iyelep qayttı.
Shotokan karate-do boyınsha Ózbekstan saylandı komandası quramında 5 sportshımız bul chempionatqa qatnasıp tórt altın, eki gumis hámde eki qola jámi 8 medal iyelewge miyassar boldı.
Usı múnásibet penen Nókis qalası Aeroportında Qaraqalpaqstan Respublikası sport ministrligi hám karate WKF federaciyası baslıqları tárepinen kútip alındı.