Nókis rayonı medicina birlespesi insan resursların rawajlandırıw hám basqarıw bỏlimi qánigesi Jumabaeva Dilbar Pishenbaevna rayon xalqına hám taraw xızmetkerlerine MÚRÁJAATÍ:
2026-02-02 15:50:00 / Jańalıqlar
Assalauma áleykum, húrmetli rayonımız turǵınları hám kásiplesler!
Men, Jumabaeva Dilbar Pishenbaevna, Nókis rayonı medicina birlespesiniń insan resursların rawajlandırıw hám basqarıw bỏlimi qánigesi sıpatında, Ózbekstan Respublikası Prezidenti Shavkat Mirziyoevtiń 2025-jıl 26-dekabr kúni Oliy Majliske hám Ózbekstan xalqına jollaǵan Múrájatında belgilep berilgen tiykarǵı wazıypalar, atap aytqanda, korrupciyaǵa qarsı gúresiw máseleleri boyınsha berilgen tapsırmalardıń orınlanıwın támiyinlewge, korrupciyaǵa qarsı turaqlı bolıwǵa wáde beremen.
Mámleketimiz basshısınıń atap ótkenindey, korrupciya - mámleket hám jámiyettiń rawajlanıwına úlken tosqınlıq bolıp, ol xalqımızdıń ádillikke, nızam ústinligine hám mámleketlik uyımlarǵa bolǵan isenimine zıyan jetkeredi. Keyingi jıllarda mámleketimizde, sonıń ishinde, densawlıqtı saqlaw sistemasında korrupciyanı saplastırıw, ashıq-aydınlıqtı támiyinlew baǵdarında sistemalı jumıslar ámelge asırılmaqta. Sonıń ishinde, 2025-jıl 21-apreldegi 147-sanlı Prezident qararı menen tastıyıqlanǵan "Korrupciyadan jıraq 5 taraw" baǵdarlaması sheńberinde densawlıqtı saqlaw sistemasın korrupciyadan jıraq taraw sıpatında qáliplestiriw wazıypası qoyıldı.
Biz, Nỏkis rayonı medicina birlespesi jámááti, usı wazıypalardıń orınlanıwın támiyinlew maqsetinde tómendegi ámeliy jumıslardı izbe-iz alıp barmaqtamız: rayonımız hám basqada qala hám rayon turǵınları!- egerde birlespege shıpaker,miyrbiyke,kishi buwın xızmetkerleri waziypasına jumısqa kirmekshi bolsaǹız , my.mehnat.uz, osonish.uz, hrm.argos.uz saytlarına jayġastırılıp barılatuġın vakansiya boyınsha jumıs qarap kỏrip, qánigeligiǹiz boyınsha arza tapsırıp test sınaqlarınan ỏtseǹiz jumıs penen támiynlenetuġınlıġıǹızdı esletip ỏtemen.
Eger, Medicina birlespemizde korrupciya menen baylanıslı jaǵdaylarǵa dus kelseńiz, kimlerdur tanıs bilisler arqalı jumısqa kirgizip beremen dep aldawshılıq penen shuġıllansa biypárwa bolmań hám tómendegi isenim telefonlarına xabarlasıń:
Medicinalıq birlespe isenim nomeri: 55 105 43 04
✅ isenim nomeri: (61) 226-00-48
Biz korrupciyaǵa birgelikte qarsı turamız!