Búgin Nókis rayonında rayon hákimi Z.Zaytov hám rayon prokurorı P.Xalmuratovtıń qatnasıwında korrupciyaǵa qarsı gúresiw hám onıń aldın alıw máselelerine baǵıshlanǵan ilaj ótkerildi.
2026-01-29 10:35:00 / Jańalıqlar
Búgin Nókis rayonında rayon hákimi Z.Zaytov hám rayon prokurorı P.Xalmuratovtıń qatnasıwında korrupciyaǵa qarsı gúresiw hám onıń aldın alıw máselelerine baǵıshlanǵan ilaj ótkerildi.
Bul ilajda rayonda jumıs alıp barıp atırǵan mámleketlik mákemeler, kárxana hám shólkemlerdiń basshıları qatnastı.
Ilaj dawamında mámleketlik uyımlardıń jumısında ashıq-aydınlıqtı támiyinlew, lawazımlı shaxslar hám xızmetkerlerdiń korrupciyaǵa mawasasız múnásibette bolıwı, hadallıq hám nızamlılıqtı kásiplik jumıstıń eń áhmiyetli ólshemi sıpatında qabıl etiw zárúrligin ayrıqsha atap ótti.
Sonday-aq, Ózbekstan Respublikası Prezidentiniń Korrupciyaǵa qarsı gúresiw milliy keńesi májilisinde berilgen tapsırmalar tiykarında barlıq tarawlarda korrupciyaǵa qarsı gúresiw jumısınıń anıq mexanizmleri menen ólshemleri belgilep berilgeni atap ótildi. Bul tapsırmalardıń orınlanıwın támiyinlew maqsetinde hár bir basshı jeke juwapkershilikti seziwi zárúr ekenligi atap ótildi.