Yosh xodimlar uchun manfaatlar to‘qnashuvining oldini olishga bag‘ishlangan seminar
2026-09-25 12:25:00 / Yangiliklar
Transport nazorati inspeksiyasining markaziy apparatida faoliyat yuritayotgan yosh xodimlar ishtirokida “Manfaatlar to‘qnashuvi to‘g‘risida”gi Qonun mazmun-mohiyatiga bag‘ishlangan seminar o‘tkazildi.
📌 Seminarda manfaatlar to‘qnashuvining oldini olish, uni o‘z vaqtida aniqlash va tartibga solishning huquqiy asoslari, shuningdek, xodimlarning bu boradagi majburiyatlari haqida batafsil ma’lumot berildi.
🔹 Tadbir davomida xizmat faoliyatida qonuniylik, xolislik va shaffoflik tamoyillariga rioya etish, manfaatlar to‘qnashuvi yuzaga kelishi mumkin bo‘lgan holatlarni o‘z vaqtida aniqlash va belgilangan tartibda xabar berish masalalariga alohida e’tibor qaratildi.
💬 Seminar yakunida yosh xodimlarning fikr va savollari tinglanib, mavzu yuzasidan o‘zaro fikr almashildi.
✅ Bunday tadbirlar yosh xodimlarning huquqiy bilimlarini oshirish, xizmat faoliyatida halollik va mas’uliyat tamoyillarini mustahkamlashga xizmat qiladi.