O‘zbekiston Milliy antidoping agentligida ekologik tashabbus amalga oshirildi
2025-11-17 10:50:00 / Ekofaol xodim
O‘zbekiston Respublikasi Milliy antidoping agentligi tomonidan atrof-muhitni asrash va ekologik barqarorlikni taʼminlashga qaratilgan amaliy tashabbus doirasida maxsus ajratilgan maydonga archa ko‘chatlari ekildi.
Mazkur tadbirning asosiy maqsadi — yashil hududlarni kengaytirish, ekologik muhitni sog‘lomlashtirish hamda jamoatchilikda tabiatga eʼtibor va masʼuliyat tuyg‘usini kuchaytirishdan iborat. Shu bilan birga, agentlik xodimlari ishtirokida o‘tkazilgan mazkur aksiya sog‘lom turmush tarzini targ‘ib etish, ekologik madaniyatni oshirish va barqaror rivojlanishga xizmat qiladi.
Agentlik tomonidan amalga oshirilgan ushbu tashabbus kelgusida nafaqat ekologik muhitni yaxshilashga, balki jamoatchilikda toza sport va sog‘lom hayot qadriyatlarini mustahkamlashga ham xizmat qiladi.