Peshku tumanidagi og‘ir toifaga kiritilgan mahallada aholini qiynayotgan masalalar muhokama qilindi
2026-07-31 16:05:00 / Yangiliklar
“O‘zkomnazorat” inspeksiyasi boshlig‘i F. Rustamov Buxoro viloyati Peshku tumanidagi og‘ir toifaga kiritilgan “Mustaqillik” mahalla fuqarolar yig‘inida bo‘lib, mahalla faollari bilan uchrashdi.
Uchrashuv davomida hududdagi telekommunikatsiya infratuzilmasining bugungi holati, mobil aloqa va internet xizmatlari sifati, raqamli xizmatlardan foydalanish imkoniyatlari hamda aholini qiynayotgan dolzarb masalalar muhokama qilindi.
Shuningdek, mobil aloqa qamrovini yaxshilash, internet tezligini oshirish, telekommunikatsiya infratuzilmasini rivojlantirish va ko‘rsatilayotgan xizmatlar sifatini yanada oshirish yuzasidan mahalla faollari tomonidan bildirilgan taklif va mulohazalar tinglandi. Uchrashuvda hududda mavjud muammolarni bartaraf etish, telekommunikatsiya infratuzilmasini takomillashtirish hamda aholiga sifatli aloqa xizmatlarini ko‘rsatish masalalari yuzasidan fikr almashildi.