Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasi “Oʻzkomnazorat”

Mamlakatimizda har yili 23-iyun — “Davlat xizmati kuni” sifatida nishonlanib, ushbu sana davlat xizmatchilarining mehnatini e’tirof etish, ularning kasbiy salohiyatini oshirish hamda davlat boshqaruvi tizimida amalga oshirilayotgan islohotlar mazmun-mohiyatini keng yoritishga xizmat qiladi. Mazkur bayram BMT qaroriga muvofiq ta’sis etilgan bo‘lib, yurtimizda Prezidentimiz tashabbusi bilan davlat fuqarolik xizmatini rivojlantirish va professional kadrlar korpusini shakllantirishga qaratilgan islohotlar doirasida keng nishonlanib kelinmoqda.

Sana munosabati bilan “O‘zkomnazorat” inspeksiyasida ham xodimlarning kasbiy bilim va tajribasini boyitish, xizmat faoliyatiga bo‘lgan mas’uliyatni yanada kuchaytirish hamda soha tarixi bilan yaqindan tanishtirish maqsadida qator ma’naviy-ma’rifiy tadbirlar tashkil etildi.

Tadbirlar doirasida inspeksiya xodimlari Toshkent shahrida joylashgan “Aloqa tarixi muzeyi”ga tashrif buyurib, muzey ekspozitsiyalari bilan yaqindan tanishdi. Shuningdek, mamlakatimizda aloqa va telekommunikatsiya sohasining shakllanishi, rivojlanish bosqichlari hamda bugungi raqamli davrgacha bo‘lgan taraqqiyot jarayoni haqida batafsil ma’lumotlarga ega bo‘ldilar. Muzeyda saqlanayotgan tarixiy eksponatlar va texnik vositalar aloqa tizimlarining evolyutsiyasini yaqqol namoyon etadi.

Mazkur tashrif davlat xizmatchilarining kasbiy dunyoqarashini kengaytirish, sohaga bo‘lgan qiziqishini oshirish hamda amaliy faoliyatda tarixiy tajriba va islohotlar mazmunini chuqur anglashga xizmat qildi.