Xorazm viloyatida pochta va kuryerlik xizmatlari sifati va infratuzilmasini rivojlantirish masalalari ko‘rib chiqildi
2026-05-20 14:40:00 / Yangiliklar
Aholiga ko‘rsatilayotgan pochta va kuryerlik xizmatlari sifatini yanada oshirish, shuningdek, sohada raqamli texnologiyalarni keng joriy etish orqali xizmat ko‘rsatish tizimini takomillashtirish maqsadida Xorazm viloyatida amalga oshirilayotgan ishlar ko‘rib chiqildi.
Xususan, O‘zbekiston pochtasi Xorazm viloyati filiali faoliyati, xususan pochta va kuryerlik xizmatlarini tashkil etish jarayonlari hamda aholiga yaratilgan qulayliklar bilan yaqindan tanishildi.
Tashrif davomida “O‘zkomnazorat” inspeksiyasi boshlig‘i F. Rustamov pochta jo‘natmalarini qabul qilish, saralash, yetkazib berish hamda kuryerlik xizmatlarini tashkil etish jarayonlarida qo‘llanilayotgan zamonaviy texnologiyalar, shuningdek, xizmatlar sifatini oshirish va jarayonlarni raqamlashtirish yo‘nalishida amalga oshirilayotgan ishlar bilan tanishdi.
Shuningdek, aholiga va tadbirkorlik subyektlariga ko‘rsatilayotgan pochta va kuryerlik xizmatlarini yanada takomillashtirish, yetkazib berish tezkorligi va ishonchliligini oshirish hamda infratuzilmani rivojlantirish masalalari muhokama qilindi.
Uchrashuv davomida sohani yanada rivojlantirish, xizmatlar samaradorligini oshirish va raqamli yechimlarni keng tatbiq etish yuzasidan istiqboldagi vazifalar muhokama etildi.