Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasi “Oʻzkomnazorat”

O‘zbekiston Respublikasi Raqamli texnologiyalar vazirligi huzuridagi “O‘zkomnazorat” inspeksiyasi boshlig‘i F. Rustamov tomonidan Xorazm viloyatining Yangiariq tumanida jismoniy va yuridik shaxslar uchun sayyor qabul o‘tkazildi.

Mazkur sayyor qabuldan ko‘zlangan asosiy maqsad aholi va tadbirkorlik subyektlarining telekommunikatsiya va raqamli xizmatlardan foydalanish jarayonida yuzaga kelayotgan muammolarni o‘rganish, murojaatlarni tezkor ko‘rib chiqish, xizmatlar sifati va qamrovini yanada yaxshilash, shuningdek, fuqarolar bilan ochiq va bevosita muloqotni ta’minlashdan iborat bo‘ldi.

Qabul davomida fuqarolar tomonidan internet sifati va qamrovi, mobil aloqa xizmatlari, pochta xizmati, axborot texnologiyalari hamda boshqa raqamli xizmatlar bilan bog‘liq murojaatlar va takliflar bildirildi. Har bir murojaatchi bilan alohida suhbat o‘tkazilib, bildirilgan takliflar batafsil tinglandi. Murojaatlar individual tarzda ko‘rib chiqilib, mas’ullar tomonidan zarur huquqiy tushuntirishlar berildi. Ayrim masalalar qabul jarayonining o‘zida ijobiy hal etilgan bo‘lsa, qo‘shimcha o‘rganishni talab etadigan murojaatlar bo‘yicha tegishli topshiriqlar berilib, ijrosi nazoratga olindi.

Bunday sayyor qabullar aholining raqamli xizmatlardan foydalanishdagi muammolarini aniqlash va bartaraf etish, xizmatlar sifatini oshirish hamda iste’molchilar huquq va manfaatlarini ta’minlashga xizmat qilmoqda.