“O‘zkomnazorat” inspeksiyasida fuqaro muhofazasi bo‘yicha amaliy mashg‘ulotlar o‘tkazildi
2026-04-08 19:50:00 / Yangiliklar
Joriy yilning 6–8 aprel kunlari “O‘zkomnazorat” inspeksiyasida Favqulodda vaziyatlar vazirligining Fuqaro muhofazasi instituti o‘qituvchilari ishtirokida xodimlar uchun amaliy o‘quv mashg‘ulotlari tashkil etildi.
Mashg‘ulotlar O‘zbekiston Respublikasi Prezidentining 2025-yil 20-oktabrdagi “Favqulodda vaziyatlardan muhofazalanish bo‘yicha o‘quv-amaliy o‘qitishlarni o‘tkazish tartibi to‘g‘risida” PQ-310-son qaroriga muvofiq, favqulodda vaziyatlarga tayyorgarlikni oshirish maqsadida o‘tkazildi.
Tadbir davomida xodimlar ximoya vositalari va uskunalardan to‘g‘ri foydalanish, o‘z hayotini himoya qilish va jarohat olgan hamkasblarga yordam berish usullarini amaliy tarzda o‘rgandilar. Shuningdek, favqulodda vaziyatlarda xavfsiz harakat qilish, tezkor qaror qabul qilish va jangovar tayyorgarlikni oshirish bo‘yicha mashg‘ulotlar olib borildi.
Tadbirning asosiy maqsadi xodimlarning xavfsizlik madaniyati va favqulodda vaziyatlarda amaliy ko‘nikmalarini mustahkamlash, ularni tezkor va to‘g‘ri qaror qabul qilishga tayyorlashdan iboratdir.