Umumxalq hasharida "O'zkomnazorat" Inspeksiyasi jamoasi faol ishtirok etmoqda
2026-03-13 14:15:00 / Yangiliklar
Mamlakatimizda 13–14-mart kunlari “Yurt obodligi, avvalo, mahalladan boshlanadi!” shiori ostida o‘tkazilayotgan umumxalq xayriya hashari doirasida “O‘zkomnazorat” Inspeksiyasi jamoasi hududlarni obodonlashtirish va ko‘kalamzorlashtirish ishlarida faol ishtirok etib, yurtimiz ravnaqiga munosib hissa qo‘shmoqda.
Bugun erta tongdan Inspeksiya xodimlari xizmat binolari va ularga tutash hududlarda tozalash hamda tartibga keltirish ishlarini amalga oshirdi. Xodimlar tomonidan hududlarni obodonlashtirish, daraxt va butalarni parvarishlash hamda yashil maydonlarni kengaytirish bo‘yicha ishlar olib borilmoqda.
Ta’kidlash joizki, umumxalq xayriya hashari hududlarni obodonlashtirish, ko‘kalamzorlashtirish va ekologik muhitni yaxshilashga qaratilgan bo‘lib, unda tashkilot va muassasalar jamoalari faol ishtirok etmoqda.