“O‘zkomnazorat” Inspeksiyasida davlat dasturining ustuvor yo‘nalishlariga bag‘ishlangan davra suhbati o‘tkazildi
2026-02-20 10:30:00 / Yangiliklar
“2026-yil – Mahallani rivojlantirish va jamiyatni yuksaltirish yili” Davlat dasturining mazmun-mohiyatini keng targ‘ib qilish, xodimlarning huquqiy ongi va ijtimoiy faolligini oshirish maqsadida “O‘zkomnazorat” Inspeksiyasida ma’naviy-ma’rifiy tadbir tashkil etildi.
Unda Inspeksiyaning markaziy apparati va hududiy bo‘limlari xodimlari, shuningdek, O‘zbekiston mahallalari uyushmasining Toshkent shahar boshqarmasi bo‘limi boshlig‘i Shakarov Abdulaziz Mutalibovich hamda Shayxontohur tumani “Yangiobod” MFY raisi Valieva Manzura Mo‘minovna ishtirok etdi.
Tadbir davomida O‘zbekiston Respublikasi Prezidentining 2026-yil 16-fevraldagi “Mahallani rivojlantirish va jamiyatni yuksaltirish yilida ustuvor yo‘nalishlar bo‘yicha islohotlar dasturlari va “O‘zbekiston – 2030” strategiyasini amalga oshirish bo‘yicha davlat dasturi to‘g‘risida”gi PF-22-son Farmoni mazmun-mohiyati atroflicha yoritildi. Jumladan, mahalla institutini mustahkamlash, hududlarda ijtimoiy-iqtisodiy rivojlanishni jadallashtirish, aholi farovonligini oshirish hamda jamiyatda ochiqlik va fuqarolik faolligini kuchaytirishga qaratilgan ustuvor vazifalar yuzasidan tushuntirishlar berildi.
Shuningdek, tadbir doirasida davlat dasturining ustuvor yo‘nalishlarini aloqa, axborot va telekommunikatsiyalar sohasida amalga oshirish hamda tegishli chora-tadbirlarni samarali tashkil etish masalalari muhokama qilindi. Qolaversa, “O‘zbekiston – 2030” strategiyasida belgilangan ustuvor yo‘nalishlarning ijrosini ta’minlash masalalari ham atroflicha ko‘rib chiqildi.