2023-yil uchun Respublika ijro etuvchi hokimiyat organlari faoliyatining axborot jihatdan ochiqligi yuzasidan o‘tkazilgan monitoring natijalari e’lon qilindi
2024-01-07 13:00:00 / Yangiliklar
O‘zbekiston Respublikasi Oliy Majlisi huzuridagi Axborot sohasini va ommaviy kommunikatsiyalarni rivojlantirish masalalari bo‘yicha jamoatchilik kengashi tomonidan 2023-yilning iyul va dekabr oylarida Respublika ijro etuvchi hokimiyat organlari faoliyatining axborot jihatdan ochiqligi yuzasidan monitoring o‘tkazildi.
2023-yil uchun Respublika ijro etuvchi hokimiyat organlari faoliyatining axborot jihatdan ochiqligi yuzasidan o‘tkazilgan monitoring natijalari e’lon qilindi.
Unga ko‘ra, 2023-yil yanvaridan dekabriga qadar bo‘lgan davrda O‘zbekistonda faoliyat yuritib kelgan 21 ta respublika ijro etuvchi hokimiyat organlarining 50 ta eng ko‘p o‘qiladigan elektron milliy OAVdagi chiqishlari monitoring qilindi va yakuniy reytingi tuzildi.
Reyting ko‘rsatkichlari respublika ijro etuvchi hokimiyat organlari va ularning mansabdor shaxslari to‘g‘risida chop etilgan maqolalar va ko‘rishlar soni, shuningdek tanqidiy munosabatlar asosida shakllantirishni nazarda tutadi.
Monitoring natijalariga ko‘ra, Raqamli texnologiyalar, Adliya, Ichki ishlar, Iqtisodiyot va moliya vazirliklari faoliyati axborot jihatdan ochiqlik talablariga mos kelgan holda yuqori o‘rinlarni egallashdi, Transport, Tog‘-kon sanoati va geologiya hamda Madaniyat vazirliklari esa eng quyi ko‘rsatkichlarni qayd etishdi.
2023-yil uchun respublika ijro etuvchi hokimiyat organlari faoliyatining axborot jihatdan ochiqligi yuzasidan o‘tkazilgan monitoring natijalari quyidagicha.
№ Respublika ijro etuvchi hokimiyat organlari
Ko‘rsatkichlari (foizda)
1. O‘zbekiston Respublikasi Raqamli texnologiyalar vazirligi – 0.9643
2. O‘zbekiston Respublikasi Adliya vazirligi – 0.9617
3. O‘zbekiston Respublikasi Ichki ishlar vazirligi – 0.8089
4. O‘zbekiston Respublikasi Iqtisodiyot va moliya vazirligi – 0.7196
5. O‘zbekiston Respublikasi Oliy ta’lim, fan va innovatsiyalar vazirligi – 0.5907
6. O‘zbekiston Respublikasi Energetika vazirligi – 0.5892
7. O‘zbekiston Respublikasi Sog‘liqni saqlash vazirligi – 0.5753
8. O‘zbekiston Respublikasi ekologiya, atrof-muhitni muhofaza qilish va iqlim o‘zgarishi vazirligi – 0.5722
9. O‘zbekiston Respublikasi Tashqi ishlar vazirligi – 0.5651
10. O‘zbekiston Respublikasi Favqulodda vaziyatlar vazirligi – 0.5603
11. O‘zbekiston Respublikasi Maktabgacha va maktab ta’limi vazirligi – 0.4882
12. O‘zbekiston Respublikasi Mudofaa vazirligi – 0.4343
13. O'zbekiston Respublikasi Qurilish va uy-joy kommunal xo'jaligi vazirligi – 0.4166
14. O‘zbekiston Respublikasi investitsiyalar, sanoat va savdo vazirligi – 0.3968
15. O‘zbekiston Respublikasi Kambag‘allikni qisqartirish va bandlik vazirligi – 0.3936
16. O‘zbekiston Respublikasi Yoshlar siyosati va sport vazirligi – 0.3655
17. O‘zbekiston Respublikasi Suv xo‘jaligi vazirligi – 0.3544
18. O‘zbekiston Respublikasi Qishloq xo‘jaligi vazirligi – 0.3308
19. O‘zbekiston Respublikasi Transport vazirligi – 0.2674
20. O‘zbekiston Respublikasi Tog‘-kon sanoati va geologiya vazirligi – 0.2368
21. O‘zbekiston Respublikasi Madaniyat vazirligi – 0.1575
Qayd etilganidek, vazirliklar to‘g‘risida 2023-yilda elektron OAVda e’lon qilingan maqolalar soni o‘tgan yilgiga nisbatan sezilarli o‘sgan. Shu bilan birga tanqidiy munosabatlar nisbatida pasayish kuzatilmagan.