Buxoro viloyatida telekommunikatsiya xizmatlari sifati va qamrovi o‘rganildi.
2026-10-03 12:00:00 / Yangiliklar
Joriy yilning 3-oktabr kuni Agentlik rahbari Dilshod Quryozov boshchiligidagi ishchi guruhi Buxoro viloyatining Qorako‘l va Olot tumanilarida operator va provayderlar tomonidan ko‘rsatilayotgan telekommunikatsiya xizmatlarining qamrovi va o‘tkazuvchanlik darajasi, xizmatlar sifati, aloqa infratuzilmasining holati hamda iste’molchilarga xizmat ko‘rsatish masalalari bo‘yicha o‘rganish ishlari olib borildi.
O‘rganishlar davomida viloyatning Qorako‘l tumani Arna MFY, hamda Olot tumani Qirlishon MFY faollari va aholisi bilan o‘tkazilgan ochiq muloqotlar davomida qiynab kelayotgan muammomalari va takliflari o‘rganildi. Uchrashuvlar davomida tadbirkorlarning taklif va muammolari ham tinglandi.
Shuningdek, hududdagi mavjud telekommunikatsiya tarmoqlari va aloqa obyektlarining faoliyati o‘rganilib, joylardagi soha vakillari bilan aloqa va internet xizmatlari sifatiga oid murojaatlar, ularni bartaraf etish yuzasidan ko‘rilayotgan choralar hamda mavjud muammolar atroflicha tahlil qilindi.
Aniqlangan muammolarni bartaraf etish, xizmatlar sifatini oshirish, mavjud infratuzilmadan samarali foydalanish hamda hudud aholisini zamonaviy va sifatli telekommunikatsiya xizmatlari bilan ta’minlash hamda litsenziya talablari va shartlariga qat’iy rioya qilish yuzasidan mas’ullarga tegishli tavsiya va ko‘rsatmalar berildi.
Mazkur o‘tkazilayotgan o‘rganishlar hududlarda telekommunikatsiya xizmatlari sifati va qamrovini yaxshilash, aloqa infratuzilmasini rivojlantirish hamda iste’molchilar uchun yanada qulay va sifatli xizmat ko‘rsatish tizimini yo‘lga qo‘yishga qaratilgan.