Telekommunikatsiyalarni tartibga solish agentligi va “UZINFOCOM” o‘rtasida hamkorlik memorandumi imzolandi.
2026-09-25 12:00:00 / Yangiliklar
CAEx binosida bo‘lib o‘tayotgan ICTWEEK Uzbekistan 2026 xalqaro axborot-kommunikatsiya texnologiyalari haftaligi doirasida Telekommunikatsiyalarni tartibga solish agentligi va “Davlat axborot tizimlarini yaratish va qo‘llab-quvvatlash bo‘yicha yagona integrator UZINFOCOM” MCHJ o‘rtasida hamkorlik memorandumi imzolandi.
Mazkur memorandum telekommunikatsiya sohasida axborot almashinuvi, raqamlashtirish va axborot tizimlarini hamkorlikda rivojlantirish maqsadida tuzilgan.
Hamkorlik doirasida quyidagi yo‘nalishlarga alohida e’tibor qaratiladi:
🟢telekommunikatsiya sohasida raqamli texnologiyalar va zamonaviy axborot tizimlarini joriy etish;
🟢Agentlikning axborot tizimlarini Uzinfocomning mavjud infratuzilmasi va texnologik imkoniyatlari bilan integratsiya qilish;
🟢 telekommunikatsiya tarmoqlari va xizmatlarini monitoring qilish hamda tahlil qilish uchun raqamli platformalarni ishlab chiqish;
🟢 ma’lumotlarni tezkor almashish, yig‘ish, qayta ishlash va tahlil qilish mexanizmlarini takomillashtirish;
🟢 telekommunikatsiya sohasidagi jarayonlarni avtomatlashtirish va boshqaruv samaradorligini oshirish;
🟢 zamonaviy texnologiyalar, jumladan, sun’iy intellekt va ma’lumotlarni tahlil qilish vositalaridan foydalanish bo‘yicha hamkorlikni rivojlantirish.
📌 Bu hamkorlik telekommunikatsiya sohasida raqamlashtirishni jadallashtirish, zamonaviy axborot tizimlarini joriy etish, ma’lumotlar almashinuvi va monitoringni takomillashtirish hamda sohani samarali boshqarish uchun yagona raqamli infratuzilmani rivojlantirishga xizmat qiladi.