Yoshlarning ijtimoiy faolligini oshirish, ularni ish bilan ta’minlash va xususiy faoliyatini yo‘lga qo‘yishida qo‘llab-quvvatlash maqsadida amalga oshirilayotgan "Yoshlar daftari" orqali qator loyihalar amalga oshirilmoqda.

Yangiyo‘l tumanidagi 23 nafar yoshga ish qurollari topshirildi. Ular orasida 10 nafar yosh kompyuter va printer, 6 nafar motokultivator, 7 nafari esa tikuv mashinasi bilan ta’minlandi. Ushbu texnika vositalari ularning o‘z faoliyatini boshlash va daromad topishi uchun asosiy vosita bo‘lib xizmat qiladi.

Ma’lumot o‘rnida, 2024 yil davomida tumanda "Yoshlar daftari" orqali 769 nafar yoshga jami 2 milliard 447 million so‘mlik moddiy yordam ko‘rsatildi. Bu ko‘maklar turli yo‘nalishlarni qamrab oldi. Jumladan, 96 nafar yoshga 1 milliard 122 million so‘mlik mehnat qurollari uchun mablag‘lar ajratilganligini qayd etish mumkin.