“MENING TANLOVIM – OBOD VATANIM”
2024-09-14 11:35:00 / Yangiliklar
Bugun Suv xo‘jaligi vazirligida “Mening tanlovim – obod Vatanim” shiori ostida saylovga bag‘ishlangan tadbir o‘tkazildi.
Unda vazirlik markaziy apparati va tizim tashkilotlari xodimlari ishtirok etdi.
Tadbirni vazirning birinchi o‘rinbosari Timur Butunbaev ochib berdi.
Oliy Majlis Qonunchilik palatasi deputatlari A’zamjon To‘laboev, Ravshanbek Begmatov hamda Toshkent davlat yuridik universiteti professori, yuridik fanlari doktori Alijon Yuldoshevning saylov qonunchiligi haqida ma’ruzalari tinglandi.
Savol-javoblar asosida suv xo‘jaligi xodimlari saylov haqida bilimlarini mustahkamladilar. Yakunda barcha ishtirokchilar 27-oktyabr kuni o‘tkaziladigan Oliy Majlis Qonunchilik palatasi va mahalliy kengashlar deputatlari saylovida va ovoz berishda faol qatnashishga da’vat qilindi.
Axborot xizmati