Vazirlar Mahkamasi huzuridagi O'zbekiston texnik jihatdan tartibga solish agentligi

Muloqot chog‘ida standartlashtirish, metrologiya va sinov sohalarida hamkorlik ko‘lamlarini kengaytirish, malakali kadrlar tayyorlash, grantlar va texnik ko‘makni jalb etish masalalari muhokama qilindi.

Yevropa Ittifoqining "TWINNING" dasturi doirasida xodimlarning bilim va ko‘nikmalarini oshirish, Kvant metrologiya markazi tashkil qilish masalalariga e’tibor qaratilib, malakali kadrlar tayyorlashda qo‘shma loyihalarni yo‘lga qo‘yish yuzasidan qator takliflar ilgari surildi.

O‘zbekiston milliy metrologiya instituti faoliyati, etalonlarni rivojlantirishga qaratilgan laboratoriyalar texnik bazasi, milliy etalonlarni saqlash va ulardan foydalanish bo‘yicha yaratilgan infratuzilma, O‘zbekiston ilmiy-sinov va sifat nazorati markazi laboratoriyalardagi shart-sharoitlar xalqaro standartlar va me’yoriy talablarga mosligi Stefano Paolo Kornyati tomonidan yuqori e’tirof etildi.

Uchrashuv yakunlari bo‘yicha tomonlar kelgusida O‘zbekiston va Italiya o‘rtasida soha yo‘nalishida ikki tomonlama hamkorlikni mustahkamlash uchun barcha sa’y-harakatni ishga solishga tayyor ekanliklarini bildirdi.