“Kambagʻallikdan farovonlik sari” dasturi doirasida bajarilayotgan ishlar oʻrganildi
2025-03-06 17:25:00 / Qo'mita yangiliklari
Fargʻona viloyati Qoʻshtepa tumanidagi “Namuna”, “Qorajiyda” “Kichik beshkapa” hamda “Loyson” MFYlari “Kambagʻallikdan farovonlik sari” dasturi doirasida Soliq qoʻmitasi Raisi Sh.Kudbiyevga biriktirilgan.
Ushbu hududlarda kambagʻallikni qisqartirish va aholi turmush farovonligini oshirish borasida amalga oshirilayotgan ishlarni oʻrganish maqsadida Sh.Kudbiyev Qoʻshtepa tumaniga tashrif buyurdi.
Tashrif davomida “Namuna” va “Qorajiyda” MFYlarda mahalla yettiligi hamda mahalla faollari bilan uchrashib, hududdagi aholi tomonidan tomorqadan samarali foydalanishni yoʻlga qoʻyish, suv bilan taʻminlash, suvni tejovchi sugʻorish tizimlari, elektr energiyasi bilan taʼminotidagi muammolar oʻrganilib, ularni bartaraf etish yuzasidan amalga oshirilishi kerak boʻlgan vazifalar belgilab olindi.
Mahalladagi aholi bilan suhbatlashib, ularning tomorqani doimiy daromad olish manbaiga aylantirish boʻyicha masʻullarga tegishli koʻrsatmalar berildi.
“Kambagʻallikdan farovonlik sari” dasturi doirasida bajarilayotgan ishlar tumandagi mutasaddi tashkilotlar vakillari bilan joyiga chiqqan holda oʻrganildi hamda belgilangan vazifalarni oʻz vaqtida va sifatli yakunlash yuzasidan zarur topshiriqlar berildi.